મોરબીમાં યંગ ઇન્ડિયા ગ્રૂપે સરકારી શાળાના અને વંચિત વિસ્તારના બાળકો માટે મલ્ટીપ્લેક્સમાં ‘હનુમાન અંશ’ ફિલ્મનું નિઃશુલ્ક સ્ક્રિનિંગ રાખ્યું હતું. આ આયોજનનો મુખ્ય હેતુ બાળકોને મનોરંજન સાથે ભક્તિ, સંસ્કાર અને સારા વિચારોની પ્રેરણા આપવાનો હતો. સાથે જ, તેમને મલ્ટીપ્લેક્સમાં ફિલ્મ જોવાનો અનુભવ પણ મળે. યંગ ઇન્ડિયા ગ્રૂપના સ્થાપક ડૉ. દેવેન રબારીએ કહ્યું કે, બાળકોના ઘડતરમાં શિક્ષણ સાથે સંસ્કાર, વિનમ્રતા, શિસ્ત અને સેવાભાવ જરૂરી છે. ગ્રૂપ ઘણા સમયથી જરૂરિયાતમંદ બાળકો અને લોકો માટે શિક્ષણ, આરોગ્ય અને સામાજિક સેવાના કામ કરી રહ્યું છે.