કલ્પના કરો કે નવરાત્રિના વ્રત દરમિયાન ખાવામાં આવતી તમામ ખાદ્ય વસ્તુઓ એક પરીક્ષામાં બેઠી છે. પ્રશ્ન માત્ર એક જ છે- “કઈ ખાદ્ય વસ્તુ શરીરને સૌથી વધુ પોષણ આપે છે?” કોઈ ખાદ્ય વસ્તુ પાસે કાર્બોહાઇડ્રેટનો ભંડાર છે, કોઈ પ્રોટીનના બળે આગળ છે, તો કોઈ ફાઇબર, વિટામિન્સ અને મિનરલ્સને કારણે વધુ ગુણ મેળવી રહી છે. તો કેટલીક ખાદ્ય વસ્તુઓ એવી પણ છે, જે સ્વાદ અને પરંપરાને કારણે દરેક વ્રતની થાળીમાં પોતાનું સ્થાન બનાવી લે છે, પરંતુ પોષણની પરીક્ષામાં સારા ગુણ મેળવી શકતી નથી. વ્રત દરમિયાન સામાન્ય રીતે સાબુદાણા, બટાકા, સામો (મોરૈયો), શક્કરિયાં, રાજગરો, દહીં અને સિંગદાણા જેવી ખાદ્ય વસ્તુઓ ખાવામાં આવે છે. તેમાંથી કોઈ તાત્કાલિક ઊર્જા આપે છે, કોઈ લાંબા સમય સુધી પેટ ભરેલું રાખે છે અને કોઈ પ્રોટીનની જરૂરિયાત પૂરી કરે છે. આ નવરાત્રિ પર અમે તૈયાર કર્યું છે 10 લોકપ્રિય વ્રતની ખાદ્ય વસ્તુઓનું હેલ્થ રિપોર્ટ કાર્ડ. જાણો, આ રિપોર્ટ કાર્ડમાં કઈ ખાદ્ય વસ્તુને કેટલા ગુણ મળ્યા છે. તેની સૌથી મોટી તાકાત શું છે અને સૌથી મોટી નબળાઈ શું છે. પોષણની બાબતમાં કોણ કેટલું શક્તિશાળી છે. નિષ્ણાતઃ ડૉ. અનુ અગ્રવાલ, સીનિયર ક્લિનિકલ ડાયટિશિયન, સ્થાપક- ‘વનડાઇટટુડે’