મોરબીમાં શ્રી સનાતન સાધના કેન્દ્ર, નાના ભેલા દ્વારા આસો નવરાત્રી નિમિત્તે નવ દિવસીય નિઃશુલ્ક નેચરોથેરાપી મહાશિબિરનું આયોજન કરાયું છે. આ શિબિર ૧૧થી ૧૯ ઓક્ટોબર દરમિયાન રવાપર-લીલાપર મેઈન કેનાલ રોડ પર બજરંગ સર્કલ નજીક આવેલા ઓમ શિવમ હોલ ખાતે યોજાશે. આ શિબિર દરરોજ બપોરે ૩થી સાંજે ૬ વાગ્યા સુધી ચાલશે. તેમાં ડૉ. રેવીન પટેલ સ્વાસ્થ્ય સંબંધિત તકલીફો અંગે માર્ગદર્શન આપશે. શિબિરના શુભારંભ પ્રસંગે ૧૧ ઓક્ટોબરે બપોરે ૩:૩૦ વાગ્યે જીવરાજભાઈ ફુલતરિયા અને લીંબાભાઈ મસોતના હસ્તે દીપ પ્રાગટ્ય થશે. આયોજકોના જણાવ્યા મુજબ, શિબિર માટે અંદાજે ૪૦૦ લોકોએ નોંધણી કરાવી છે.