ગોધરામાં માંતાજી ઉમાં ગરબા મહોત્સવના પ્રથમ નોરતે ભક્તિ અને ઉત્સાહનો માહોલ જોવા મળ્યો. આ પ્રસંગે પંચમહાલ જિલ્લા પોલીસ વડા ડૉ. હરેશ દુધાત સહિતના મહાનુભાવો ઉપસ્થિત રહ્યા હતા. જિલ્લા પોલીસ વડા ડૉ. હરેશ દુધાત સહિતના મહાનુભાવો પણ ગરબાના તાલે ઝૂમી ઊઠ્યા હતા. તેમની હાજરીથી ખેલૈયાઓમાં ભારે ઉત્સાહ જોવા મળ્યો. રંગબેરંગી કપડાં પહેરીને આવેલા ખેલૈયાઓએ પરંપરાગત ગરબાની રમઝટ બોલાવી. ભક્તિભાવ અને સંગીતના સથવારે ગરબા મેદાન નવરાત્રીના રંગે રંગાઈ ગયું હતું.