રાહુલ ગાંધીએ INDIA ગઠબંધનના સાથી પક્ષોના નેતાઓ સાથે પોતાના નિવાસસ્થાને બેઠક કર્યા બાદ પત્રકાર પરિષદને સંબોધી હતી. આ દરમિયાન તેમણે કહ્યું કે અમે બધા એકસાથે છીએ અને અમારું એક જ લક્ષ્ય છે, દેશમાં લોકશાહીની પુનઃસ્થાપના કરવી.

INDIA ગઠબંધનની પત્રકાર પરિષદમાં રાહુલ ગાંધીએ કહ્યું કે અમે બધા એકસાથે આવ્યા છીએ. અમે પહેલાં પણ કહ્યું હતું કે અહીં અલગ-અલગ પ્રદર્શનો નથી થઈ રહ્યાં. આ એક જ વિરોધ પ્રદર્શન છે, જેનો એક જ હેતુ છે, ભારતમાં લોકશાહીની પુનઃસ્થાપના કરવી. ભારતમાં લોકશાહીને ખતમ કરવામાં આવી છે. ચૂંટણી વ્યવસ્થાને પણ નબળી પાડવામાં આવી છે. બંધારણના લીરેલીરા ઉડાવીને તેને ફાડીને ફેંકી દેવામાં આવ્યું છે. અમે બધા સાથે મળીને દેશમાં લોકશાહીની સાચી ભૂમિકા ફરી સ્થાપિત કરવા માટે લડી રહ્યા છીએ.

<a href="

=” target=”_blank”>

=

જંતર-મંતર પર પ્રદર્શનનો મુદ્દો ઉઠાવ્યો

ચા પરની બેઠક બાદ પત્રકાર પરિષદમાં રાહુલ ગાંધીએ કહ્યું કે વિરોધ વ્યક્ત કરવા માટે અધિકૃત પ્રદર્શન સ્થળ જંતર-મંતરને હવે પ્રદર્શન સ્થળ તરીકે સ્વીકારવામાં આવતું નથી. સરકારનું કહેવું છે કે લોકશાહી રીતે અવાજ ઉઠાવવા માટે જંતર-મંતર પ્રદર્શન સ્થળ નથી. અમે આ નિર્ણયને પડકારીશું. સરકાર પોતાની રીતે સરળતાથી નક્કી કરી શકે નહીં કે લોકોએ ક્યાંથી પોતાનો અવાજ ઉઠાવવો જોઈએ.

‘જવાબદાર લોકોને સજા અપાવીશું’

રાહુલ ગાંધીએ કહ્યું, “અમે તમને વચન આપીએ છીએ કે જેમણે આ કર્યું છે તેમને સજા મળશે. 

તેમણે વધુમાં કહ્યું કે ગઈકાલે લોકોએ અહીં માત્ર રાજકીય પક્ષોનું નિવેદન જ નહીં, પરંતુ દેશના લોકોનો અવાજ પણ જોયો હતો. તેમણે દિલ્હી અને દેશના અન્ય નાગરિકોનો આભાર માન્યો, જેઓ દેશમાં જે કંઈ થઈ રહ્યું છે તેની સામે તેમના પક્ષે ઊભા રહ્યા છે.

‘આ લડાઈ ભારતના લોકોના ભવિષ્ય માટે છે’

રાહુલ ગાંધીએ ભારપૂર્વક કહ્યું કે આ લડાઈ કોઈ એક વ્યક્તિ કે રાજકીય પક્ષ માટે નથી, પરંતુ ભારતના લોકો અને તેમના ભવિષ્ય માટે છે.

તેમણે કહ્યું કે દેશના લોકો પ્રત્યેના પ્રેમ અને સન્માનને કારણે INDIA ગઠબંધનના તમામ નેતાઓ દેશમાં લોકશાહી પ્રક્રિયા ફરી શરૂ થાય તે માટે અંતિમ ક્ષણ સુધી લડતા રહેશે. તેમણે સ્પષ્ટ કર્યું કે લોકશાહીની પુનઃસ્થાપના માટે તમામ પક્ષો એકસાથે મળીને સંઘર્ષ ચાલુ રાખશે.