મોરબી શહેરના ભવાની ચોક પાસે ગરબી ચાલી રહી હતી ત્યારે એક સ્કોર્પિયો કાર બેફામ રીતે તેમાં ઘૂસી ગઈ. કાર ચાલકે ત્યાં હોબાળો મચાવ્યો અને ખુરશીઓ ઉલાળી દીધી. આ ઘટનામાં એક વ્યક્તિ કારની અડફેટે આવી ગયો હતો. ડ્રાઈવરે અન્ય એક વ્યક્તિ પર પણ કાર ચડાવવાનો પ્રયાસ કર્યો હતો.જોકે, નજીકમાં બેઠેલા બાળકોનો આબાદ બચાવ થયો. આ ઘટના પછી સ્કોર્પિયો ચાલક ત્યાંથી ભાગી ગયો હતો. આ સમગ્ર ઘટનાના સીસીટીવી ફૂટેજ પણ સામે આવ્યા છે. જાહેર કાર્યક્રમમાં આવી રીતે વાહન ચલાવવાને કારણે લોકોમાં ગુસ્સો છે. પોલીસે આ મામલે તપાસ શરૂ કરી છે.