ઇન્ડિયન પ્રીમિયર લીગની સૌથી સફળ ફ્રેન્ચાઇઝીઓમાં સ્થાન ધરાવતી મુંબઈ ઇન્ડિયન્સને લઈને મોટા સમાચાર સામે આવ્યા છે. શ્રીલંકાના પૂર્વ કેપ્ટન અને મુંબઈ ઇન્ડિયન્સના અનુભવી મુખ્ય કોચ મહેલા જયવર્દનેએ હેડ કોચનું પદ છોડી દીધું હોવાના અહેવાલ છે. ફ્રેન્ચાઇઝીએ સત્તાવાર નિવેદન જાહેર કરીને તેમના અલગ થવાની પુષ્ટિ કરી હોવાનું જણાવવામાં આવ્યું છે. મહેલા જયવર્દનેના માર્ગદર્શન હેઠળ મુંબઈ ઇન્ડિયન્સે સફળતાનો નવો ઇતિહાસ રચ્યો હતો. તેમની કોચિંગમાં અને રોહિત શર્માની કેપ્ટનશિપ હેઠળ ટીમે 2017, 2019 અને 2020માં IPLનો ખિતાબ જીત્યો હતો.