અમદાવાદમાં શક્તિની આરાધનાના પર્વ નવરાત્રીનો માહોલસભર ઉત્સાહ જોવા મળી રહ્યો છે, ત્યારે હાથીજણ વિસ્તારમાં લાલ ગેબી સર્કલ પાસે આવેલી ‘ધ વિલોઝ સોસાયટી’ ખાતે નવરાત્રીની અદભુત અને ધામધૂમપૂર્વક ઉજવણી કરવામાં આવી હતી. સોસાયટીના પ્રાંગણમાં આયોજિત આ ભક્તિસભર માહોલમાં સોસાયટીના તમામ સભ્યોએ ઉત્સાહભેર ભાગ લીધો હતો. નાના બાળકોથી લઈને વડીલો સુધીના સૌ કોઈ સભ્યો પરંપરાગત પોશાકમાં સજ્જ થઈને મન મૂકીને ગરબે ઘૂમ્યા હતા. સોસાયટીના અગ્રણીઓના જણાવ્યા મુજબ, આ પ્રકારના આયોજનોથી સોસાયટીમાં પરસ્પર પ્રેમ, ભાઈચારો અને સામાજિક એકતાની ભાવના મજબૂત બને છે. માતાજીની આરતી અને ગરબાના તાલ સાથે સમગ્ર સોસાયટીમાં ઉત્સવનું દિવ્ય વાતાવરણ છવાઈ ગયું હતું.