હિંમતનગર શહેરમાં આંતરરાષ્ટ્રીય હિન્દુ પરિષદ અને રાષ્ટ્રીય બજરંગ દળ દ્વારા શારદીય નવરાત્રી મહોત્સવ દરમિયાન સતત સાતમા વર્ષે કન્યા પૂજન કાર્યક્રમનું આયોજન કરવામાં આવ્યું હતું. નવરાત્રીના નવ દિવસ દરમિયાન શહેરની આશરે 18 નવરાત્રી મંડળીઓમાં 450થી વધુ કન્યાઓનું માતા દુર્ગાનું સ્વરૂપ માનીને વિધિવિધાન સાથે પૂજન કરવામાં આવ્યું હતું. આ પ્રસંગે સંગઠન દ્વારા તમામ કન્યાઓને યથાશક્તિ ભેટ આપીને સન્માનિત કરવામાં આવી હતી. કન્યા સુરક્ષા અને મહિલા સશક્તિકરણનો હેતુ
કન્યા સુરક્ષા, મહિલા સશક્તિકરણ અને ધર્મજાગૃતિના હેતુથી આંતરરાષ્ટ્રીય હિન્દુ પરિષદ, રાષ્ટ્રીય બજરંગ દળ તથા રાષ્ટ્રીય મહિલા પરિષદની ઓજસ્વિની શાખા દ્વારા છેલ્લા સાત વર્ષથી નવરાત્રી દરમિયાન કન્યા પૂજનના કાર્યક્રમો યોજવામાં આવે છે. શાસ્ત્રોમાં નાની કન્યાઓને માતા દુર્ગાનું સ્વરૂપ માનવામાં આવતું હોવાથી નવરાત્રીના પાવન પર્વ દરમિયાન કન્યા પૂજન કરીને માતાજીની આરાધના કરવામાં આવે છે. આ પરંપરાના માધ્યમથી દીકરીઓ પ્રત્યે આદર અને સન્માનની ભાવના કેળવવાનો પ્રયાસ કરવામાં આવે છે. સંગઠનના પદાધિકારીઓ અને કાર્યકરો જોડાયા
નવ દિવસ દરમિયાન યોજાયેલા આ કાર્યક્રમોમાં ઉત્તર ગુજરાત પ્રાંતના મહામંત્રી જયંતીભાઈ પટેલ, જિલ્લા પ્રમુખ કનકસિંહ ઝાલા, જિલ્લા ઉપાધ્યક્ષ જગતસિંહ પરમાર, જિલ્લા મંત્રી અતુલભાઈ મકવાણા, વ્યાપારી પરિષદના જિલ્લા પ્રમુખ સુરેશભાઈ માલવિયા, છાત્ર પરિષદના તાલુકા અધ્યક્ષ યશભાઈ દોશી અને ગૌ સેવા હેલ્પલાઇનના જિલ્લા અધ્યક્ષ પ્રફુલભાઈ સોની સહિતના પદાધિકારીઓ તથા કાર્યકરો ઉપસ્થિત રહ્યા હતા. આ ઉપરાંત પ્રતિકભાઈ સોની, અનિલભાઈ વણઝારા, ચિન્મયભાઈ સોની, યક્ષભાઈ બ્રહ્મભટ, રવિભાઈ પટેલ, સંપતસિંહ રાજપુરોહિત, રણવીરસિંહ ચૌહાણ અને ક્રેનિલભાઈ બોરવાલ સહિતના કાર્યકરોએ પણ કાર્યક્રમમાં સહભાગી બની કન્યા પૂજનની પરંપરાને આગળ ધપાવી હતી. ધાર્મિક પરંપરા સાથે દીકરીઓના સન્માનનો સંદેશ
હિંમતનગરમાં નવરાત્રી દરમિયાન યોજાયેલા આ કન્યા પૂજન કાર્યક્રમ દ્વારા ધાર્મિક પરંપરાની જાળવણીની સાથે દીકરીઓ પ્રત્યે સન્માન, કન્યા સુરક્ષા અને મહિલા સશક્તિકરણનો સંદેશ આપવામાં આવ્યો હતો. સતત સાતમા વર્ષે યોજાયેલા આ આયોજનમાં 450થી વધુ કન્યાઓનું પૂજન કરીને નવરાત્રીના પાવન પર્વની ધાર્મિક ભાવનાને સામાજિક જાગૃતિ સાથે જોડવાનો પ્રયાસ કરવામાં આવ્યો હતો.