દશેરાના પર્વ નિમિત્તે ભરૂચ શહેરમાં પહેલીવાર BNS ગ્રુપ દ્વારા રાવણ દહન કાર્યક્રમ યોજાયો. દૂધધારા ડેરી ગ્રાઉન્ડ ખાતે આયોજિત આ કાર્યક્રમમાં મોટી સંખ્યામાં શહેરીજનો હાજર રહ્યા હતા. આ પ્રસંગે ભરૂચના ધારાસભ્ય રમેશ મિસ્ત્રી, જિલ્લા ભાજપ પ્રમુખ પરેશ લાડ, નગરપાલિકા પ્રમુખ દેવેન્દ્રસિંહ વસાવા, ભાજપના આગેવાનો નિરલ પટેલ, ધર્મેશ મિસ્ત્રી અને હેમેન્દ્ર પ્રજાપતિ સહિતના અગ્રણીઓ હાજર રહ્યા હતા. કાર્યક્રમને સફળ બનાવવા BNS ગ્રુપના વૃષભ પટેલ સહિતના કાર્યકરોએ ખૂબ મહેનત કરી હતી. ભરૂચમાં પહેલીવાર યોજાયેલા આ રાવણ દહન કાર્યક્રમથી શહેરીજનોમાં ખૂબ ઉત્સાહ જોવા મળ્યો. આ કાર્યક્રમ વિજયાદશમીના પર્વે પરંપરા અને સત્યના વિજયનો સંદેશ આપે છે.