નર્મદા જિલ્લાના એકતાનગરમાં સ્ટેચ્યૂ ઓફ્ યુનિટી ખાતે પ્રવાસીઓ માટે રૂા.12 કરોડના ખર્ચે 12 એકર વિસ્તારમાં રેન ફોરેસ્ટ પ્રોજેક્ટ તૈયાર કરાયો છે. આગામી 31 ઓક્ટોબરે પ્રધાનમંત્રી નરેન્દ્ર મોદીના હસ્તે આ પ્રોજેક્ટ પ્રવાસીઓ માટે ખુલ્લો મૂકાય તેવી શક્યતા છે. આ પ્રોજેક્ટમાં રેન ગનના 20 ટાવર દ્વારા વર્ષભર રેન ફોરેસ્ટ અનુભવ કરાવી શકાશે. સાથે જ બબલ ફાઉન્ટન, વોટરફોલ અને વિવિધ રાજ્યોનાં વૃક્ષો પ્રવાસીઓ માટે આકર્ષણનું કેન્દ્ર બનશે. પ્રોજેક્ટનું મુખ્ય આકર્ષણ (સ્કાય વોક-વે) ગ્લાસ વોક-વે છે. જેમાં 35 મિલીમીટર જાડાઈના 132 કોરિયન ગ્લાસ લગાવાયા છે. જે એન્જીયરના કહેવા મુજબ આખા ભારતમાં પ્રથમ પ્રોજેકટ છે. આ રેન ફોરેસ્ટ પ્રવાસીઓને વરસાદ, હરિયાળી અને રોમાંચનો અનોખો અનુભવ કરાવશે. જોકે આ (સ્કાય વોક-વે)ની ખાસિયત જોઈએ તો, ગોળાકાર ડિઝાઇનમાં તૈયાર કરાયેલા આ વોક-વે પર ચાલવાનો અનુભવ પ્રવાસીઓ માટે રોમાંચક બનશે. આ પ્રકારની ડિઝાઇનને વિશ્વમાં પ્રથમ હોવાનો દાવો કરાઇ રહ્યો છે. એકતાનગરમાં સ્ટેચ્યૂ ઓફ્ યુનિટી સહિતનાં પ્રવાસન આકર્ષણોની યાદીમાં હવે રેન ફોરેસ્ટ પ્રોજેક્ટનો ઉમેરો જેનાથી પ્રવાસીઓને ખૂબ મજા આવશે.

ગુજરાતના વધુ સમાચાર વાંચવા માટે ક્લિક કરો