લાલ સમુદ્રમાં યમનના ઝુકાર ટાપુ નજીક 14 ભારતીય ખલાસીઓ સવાર વહાણ પર હુમલો કરાયો હતો. 21 ઑક્ટોબરે બનેલી આ ઘટનામાં હુમલા બાદ વહાણમાં ભીષણ આગ ફાટી નીકળી હતી અને વહાણને ભારે નુકસાન પહોંચ્યું હતું. જોકે, સદનસીબે વહાણમાં સવાર તમામ 14 ભારતીય ખલાસીઓને સુરક્ષિત રીતે બચાવી લેવાયા છે. આ 14 ખલાસીઓમાં ગુજરાતના સલાયા તેમજ સિક્કા ગામના વતનીઓનો પણ સમાવેશ થાય છે. હુમલાનો ભોગ બનેલું આ વહાણ સલાલાહ મરીન ટ્રાન્સપોર્ટ કંપની (Salalah Marine Transport Co.) સાથે સંકળાયેલું હતું અને ઓમાનનો ધ્વજ ધરાવતું હતું. આ હુમલો કોણે કર્યો અને તેની પાછળ કોની જવાબદારી છે તે અંગે હાલ ઉચ્ચ સ્તરીય તપાસ ચાલી રહી છે. હાલ આ ખલાસીઓને લાલ સમુદ્રના કિનારે આવેલા હુદૈદાહ વિસ્તારની હોટેલમાં સુરક્ષિત રખાયા છે, જ્યાં તેમને રહેવા, જમવા, કપડાં સહિતની જરૂરી પ્રાથમિક સુવિધાઓ પૂરી પાડવામાં આવી રહી છે.

ગુજરાતના વધુ સમાચાર વાંચવા માટે ક્લિક કરો