અમેરિકી રાષ્ટ્રપતિ ડોનાલ્ડ ટ્રમ્પે રવિવારે એક રેલીમાં ઈરાન પર કટાક્ષ કર્યો. તેમણે કહ્યું કે ઈરાનમાં હવે કોઈ નેતા બચ્યો નથી અને તેમને એ સમજવામાં મુશ્કેલી થઈ રહી છે કે વાતચીત માટે કોની સાથે વાત કરવી. હકીકતમાં, યુદ્ધના શરૂઆતના કેટલાક અઠવાડિયાઓમાં અમેરિકા અને ઇઝરાયલે હવાઈ હુમલામાં ઈરાનના અનેક મોટા રાજકીખામેનીય અને સૈન્ય નેતાઓને મારી નાખ્યા હતા. તેમાં ઈરાનના સર્વોચ્ચ નેતા આયાતુલ્લાહ અલી ખામેની પણ સામેલ હતા. આ પહેલાં ટ્રમ્પે શનિવારે કહ્યું હતું કે અમેરિકા રવિવારે હુમલો કરી શકે છે. તેમને પૂછવામાં આવ્યું હતું કે શું અમેરિકા ઈરાન પર હુમલો કરશે. તેના પર તેમણે કહ્યું, શું તમને ખરેખર લાગે છે કે હું તમને આ કહીશ? કદાચ આવતીકાલે… હુમલો થવાની શક્યતા છે. એવું પણ બની શકે છે કે અમારી વચ્ચે એક સારો, મોટો અને શાનદાર સોદો થઈ જાય. ટ્રમ્પ બોલ્યા- અમારી સેનાએ ઈરાનને ભારે નુકસાન પહોંચાડ્યું ટ્રમ્પે અમેરિકન સેનાની પ્રશંસા કરતાં દાવો કર્યો કે તેણે ઈરાનના તમામ લડાકુ વિમાનો તોડી પાડ્યા છે અને 259 જહાજોને સમુદ્રમાં ડૂબાડી દીધાં છે. ટ્રમ્પે કહ્યું, “અમારી સેના અને નૌકાદળે શાનદાર કામ કર્યું છે. તેમણે ઈરાનના તમામ લડાકુ વિમાનોને નષ્ટ કરી દીધા છે. હવે ઈરાનમાં માત્ર વિક્રમી મોંઘવારી જ બચી છે.” ટ્રમ્પે કહ્યું હતું- અમે મધ્યાવધિ ચૂંટણી પહેલાં હુમલો નહીં કરીએ ટ્રમ્પ યુદ્ધ સમાપ્ત કરવાની સમયમર્યાદા અંગે અગાઉ પણ અલગ-અલગ નિવેદનો આપી ચૂક્યા છે. ઑક્ટોબરની શરૂઆતમાં તેમણે કહ્યું હતું કે અમેરિકા 3 નવેમ્બરે યોજાનારી મધ્યાવધિ ચૂંટણી પહેલાં ઈરાન પર હુમલો નહીં કરે. આ ચૂંટણીઓથી નક્કી થશે કે અમેરિકી સંસદના બંને ગૃહોમાં કયા પક્ષનું નિયંત્રણ રહેશે. ધ ન્યૂ યોર્ક ટાઈમ્સે 21 ઑક્ટોબરે પોતાના અહેવાલમાં જણાવ્યું હતું કે અમેરિકી અને ઇઝરાયલી સેનાઓએ મધ્યાવધિ ચૂંટણી બાદ ઈરાન પર ફરીથી હુમલો કરવાની યોજના બનાવી છે. ઈરાને અમેરિકન ડ્રોન તોડી પાડવાનો દાવો કર્યો ઈરાને રવિવારે દાવો કર્યો કે તેની એર ડિફેન્સ સિસ્ટમે દક્ષિણી બંદર શહેર બંદર અબ્બાસ ઉપર એક અમેરિકન ડ્રોન તોડી પાડ્યું. ઈરાનની તસ્નીમ ન્યૂઝ એજન્સીના જણાવ્યા અનુસાર, આ ડ્રોન અમેરિકાની સેના માટે બનાવવામાં આવેલું LUCAS હુમલાખોર ડ્રોન હતું. ઈરાનના આ દાવા પર હાલમાં અમેરિકાની તરફથી કોઈ પ્રતિક્રિયા આવી નથી. ઈરાન અમેરિકન અધિકારીઓને નિશાન બનાવી શકે છે ઈરાન અમેરિકન અધિકારીઓની હત્યાનું કાવતરું ઘડી રહ્યું છે. અમેરિકન ગુપ્તચર અધિકારીઓને શંકા છે કે મધ્ય પૂર્વ અને અમેરિકામાં હાજર અધિકારીઓને નિશાન બનાવવાની તૈયારી ચાલી રહી છે. અમેરિકન ગુપ્તચર વિભાગના ડિરેક્ટર જે ક્લેટને 23 ઑક્ટોબરે વિદેશ મંત્રી માર્કો રુબિયોને મોકલેલા મેમોમાં જણાવ્યું હતું કે ઈરાને અમેરિકન અધિકારીઓને નિશાન બનાવવાના પ્રયાસો ઝડપી બનાવ્યા છે. ધ ન્યૂયોર્ક ટાઈમ્સના અહેવાલ મુજબ, બંને દેશો વચ્ચે વધતા તણાવને કારણે નાની-સરખી ઘટના પણ મોટા યુદ્ધનું કારણ બની શકે છે. બીજી તરફ, ઈરાનને પણ ભય છે કે અમેરિકા અને ઇઝરાયેલ તેના પર ફરી મોટો હુમલો કરી શકે છે. હત્યાનાં કાવતરાં અદ્યતન તબક્કે પહોંચ્યાં ડિરેક્ટર જે ક્લેટને મેમોમાં જણાવ્યું હતું કે ઈરાન તરફથી અમેરિકન નાગરિકોની હત્યાનાં કાવતરાં હવે અદ્યતન તબક્કે પહોંચી ગયાં છે. અમેરિકન અધિકારીઓને આશંકા છે કે ઈરાન મધ્ય પૂર્વમાં અમેરિકન રાજદૂતો અને અમેરિકામાં હાજર અધિકારીઓને નિશાન બનાવી શકે છે. રિપોર્ટમાં ઈરાનની યુનિટ 840નો પણ ઉલ્લેખ છે. આ યુનિટ પર દુનિયાના અલગ-અલગ ભાગોમાં અપહરણ અને હત્યાના પ્રયાસો કરવાના આરોપો લાગતા રહ્યા છે. જોકે, ઈરાનના આવા કેટલાક પ્રયાસો નિષ્ફળ પણ રહ્યા છે. અગાઉ હત્યા માટે મોકલવામાં આવેલા કેટલાક લોકો પોતાના ટાર્ગેટ સુધી પહોંચે તે પહેલાં જ ધરપકડ થઈ ચૂકી છે.