પાટણ જિલ્લામાં દારૂબંધીની ગેરકાયદે પ્રવૃત્તિઓ રોકવા પોલીસે ખાસ ઝુંબેશ ચલાવી. 260 સ્થળોએ દરોડા પાડી દેશી-વિદેશી દારૂ સહિત 16.68 લાખ રૂપિયાનો મુદ્દામાલ જપ્ત કર્યો. પોલીસે 21 આરોપીને ઝડપી પાડ્યા છે. જિલ્લામાંથી દારૂબંધીની બદી દૂર કરવા મળેલી સૂચના બાદ આ કાર્યવાહી કરાઈ. પાટણ LCB ઇન્ચાર્જ પી.આઈ. જયદીપસિંહ જી. સોલંકીના માર્ગદર્શન હેઠળ સ્પેશિયલ ડ્રાઇવનું આયોજન થયું. LCB, SOG અને સ્થાનિક પોલીસના 54 ટીમને આ કામગીરીમાં સામેલ કરાઈ. આ ટીમોએ પાટણ જિલ્લાના તમામ પોલીસ સ્ટેશન વિસ્તારોમાં સઘન ચેકિંગ કર્યું. 260 સ્થળોએ એકસાથે દરોડા પાડવામાં આવ્યા. છ કલાક ચાલેલી આ ઝુંબેશમાં દારૂબંધી હેઠળ 110 ગુના દાખલ કરાયા. પોલીસે 16.68 લાખ રૂપિયાનો ગેરકાયદે મુદ્દામાલ જપ્ત કર્યો, 21 આરોપીઓની ધરપકડ કરી અને આગળની તપાસ ચાલી રહી છે.