શેર માર્કેટ ઉતાર ચઢાવ વચ્ચે ફરી એકવાર લીલા નિશાને જોવા મળ્યું છે. સેન્સેક્સ અને નિફ્ટી બંને તેજી સાથે લીલા નિશાનમાં બંધ થયા છે. સેન્સેક્સ 482.92 પોઇન્ટના વધારા સાથે 

73,606.75 અંકે બંધ થયો. જ્યારે નિફ્ટી 153.20 પોઇન્ટના વધારા સાથે 22,753.20 અંકે બંધ થયો. 

શેરબજાર લીલા નિશાનમાં બંધ 

બજાર બંધ થયું ત્યારે સેન્સેક્સ 482.92  પોઈન્ટ અથવા 0.66  ટકાના વધારા સાથે 73606.75 ના ​​સ્તરે હતો, જ્યારે નિફ્ટી 153.20 પોઈન્ટ અથવા 0.68  ટકાના વધારા સાથે 22759.20  પર બંધ થઈ હતી. આ સત્ર દરમિયાન 2262  શેરોમાં વધારો અને 1895  શેરોમાં ઘટાડો જોવા મળ્યો હતો, જ્યારે 186 શેરો યથાવત રહ્યા હતા.

નિફ્ટીમાં સૌથી વધુ વધારો દર્શાવનારા શેરોમાં ડૉ. રેડ્ડીઝ લેબ્સ, બીએસઈ લિમિટેડ, જેએસડબ્લ્યુ સ્ટીલ, મેક્સ હેલ્થકેર અને એટર્નાનો સમાવેશ થાય છે; બીજી તરફ, સૌથી વધુ ઘટાડો દર્શાવનારા શેરોમાં શ્રીરામ ફાઇનાન્સ, ટાટા કન્ઝ્યુમર, એચડીએફસી લાઈફ, બજાજ ફાઇનાન્સ અને એચડીએફસી બેંકનો સમાવેશ થાય છે.

એફએમસીજી (FMCG), મીડિયા અને કન્ઝ્યુમર ડ્યુરેબલ્સ સિવાયના અન્ય તમામ સેક્ટોરલ સૂચકાંકો વધારા સાથે (ગ્રીન ઝોનમાં) બંધ થયા હતા. ફાર્મા, મેટલ અને ઓઈલ એન્ડ ગેસ સેક્ટરમાં ૧ થી 2 ટકાનો વધારો જોવા મળ્યો હતો, જ્યારે ઈન્ફ્રા, આઈટી, પ્રાઈવેટ બેંક અને એનર્જી સેક્ટરમાં 0.5 ટકાનો વધારો નોંધાયો હતો.

નિફ્ટી મિડકેપ ઇન્ડેક્સમાં 1.2 ટકાનો વધારો થયો, અને સ્મોલકેપ ઇન્ડેક્સમાં 1.4 ટકાનો વધારો જોવા મળ્યો.

શેર માર્કેટ ખૂલતા જ થયું હતું ક્રેશ 

શેરબજારમાં શરૂઆતી કારોબાર દરમિયાન, જ્યાં IT શેરોમાં મોટો ઘટાડો જોવા મળ્યો, ત્યાં અન્ય કેટલાક શેરોએ બજારને મંદીની અસરથી બચાવવામાં મહત્વની ભૂમિકા ભજવી. આમાં અદાણી પોર્ટ્સ (ગૌતમ અદાણીની કંપની) સૌથી આગળ રહી, જેના શેરના ભાવમાં અચાનક ૨.૫૦%નો ઉછાળો આવ્યો. આ ઉપરાંત, કોટક બેંક, આઈશર મોટર્સ, સન ફાર્મા અને ટાટા સ્ટીલના શેરો ઊંચા ભાવે કારોબાર કરીને બજારને ટેકો પૂરો પાડ્યો. બીજી તરફ, ઇન્ફોસિસ, HCL ટેક, HUL અને એશિયન પેઇન્ટ્સના શેરો ઘટાડા સાથે (લાલ નિશાનમાં) કારોબાર કરી રહ્યા હતા.

શું આ સુધારાનું કારણ છે?

શેરબજારમાં આવેલા આ બદલાવ પાછળનું કારણ જોઈએ તો, કાચા તેલના ભાવમાં થયેલા ફેરફારે બજારના મનોભાવ (સેન્ટિમેન્ટ) પર અસર કરી છે. આંતરરાષ્ટ્રીય બજારમાં, બ્રેન્ટ ક્રૂડના ભાવ પ્રતિ બેરલ 117 ડોલરની છ મહિનાની ઊંચી સપાટીએ પહોંચ્યા હતા; જોકે, સોમવારે તે ઘટીને પ્રતિ બેરલ ૧૧૪ ડોલર થઈ ગયા. દરમિયાન, સોમવારે શરૂઆતી કારોબાર દરમિયાન ‘ઇન્ડિયા VIX’ જેને ઘણીવાર બજારના ડર કે અસ્થિરતાનું માપદંડ માનવામાં આવે છે. તે વધીને 18 પર પહોંચી ગયું હતું, પરંતુ અડધા કલાકની અંદર જ તે ઘટીને 16ના સ્તર પર આવી ગયું.