ભારતીય શેરબજારમાં હવે એક મોટા લિસ્ટિંગ પર સૌની નજર ટકેલી છે. મુકેશ અંબાણીના જિયો પ્લેટફોર્મ્સનો IPO ₹10.3 લાખ કરોડના વેલ્યુએશન સાથે ચર્ચામાં છે. કંપનીએ પ્રતિ શેર ₹1,119ના ભાવે 27 કરોડ નવા શેર જાહેર કર્યા છે.

નોમૂરાએ આપી બાય રેટિંગ 

રોકાણકારો ‘જિયો પ્લેટફોર્મ્સ’ (Jio Platforms) ના લિસ્ટિંગ પર ચાંપતી નજર રાખી રહ્યા છે, જે ભારતીય શેરબજારના ઇતિહાસના સૌથી મોટા IPO પૈકીનું એક બનવા જઈ રહ્યું છે. લિસ્ટિંગ પહેલાં, વૈશ્વિક બ્રોકરેજ ફર્મ ‘નોમુરા’ (Nomura) એ આ શેર માટે તેનું પ્રથમ ‘બાય’ (Buy – ખરીદવાની સલાહ) રેટિંગ આપ્યું છે અને તેમાં લગભગ 20% સુધીના ઉછાળાની શક્યતા દર્શાવી છે. નોંધનીય છે કે, ₹30213  કરોડના આ IPO ને રોકાણકારો તરફથી જબરદસ્ત પ્રતિસાદ મળ્યો હતો અને આ ઇશ્યૂ કુલ 22.19  ગણો સબસ્ક્રાઇબ થયો હતો.

<a href="

=” target=”_blank”>

=

આ વેલ્યુએશન સાથે જિયો ભારતીય શેરબજારમાં અત્યાર સુધીના સૌથી મોટા IPO પૈકી એક તરીકે સામે આવ્યો છે. જિયો પ્લેટફોર્મ્સના શેર બુધવાર, 28 ઑક્ટોબર, 2026ના રોજ NSE અને BSE પર લિસ્ટ થવાના છે. IPO માટેની મજબૂત માગ અને ગ્રે માર્કેટ પ્રીમિયમને કારણે રોકાણકારોની નજર હવે લિસ્ટિંગના ભાવ પર છે. જોકે, ગ્રે માર્કેટના સંકેતો સત્તાવાર લિસ્ટિંગ ભાવની ગેરંટી આપતા નથી.

નોમુરા (Nomura) શા માટે જિયો પ્લેટફોર્મ્સ (Jio Platforms) પર દાવ લગાવી રહ્યું છે?

નોમુરાએ જિયો પર દાવ લગાવવા પાછળ ઘણા કારણો દર્શાવ્યા છે. તે નોંધે છે કે દેશના વાયરલેસ ગ્રાહકોમાં જિયોનો હિસ્સો 42% છે, ડેટા ટ્રાફિકમાં 60% છે અને હોમ બ્રોડબેન્ડ કનેક્શન્સમાં 43% છે. નોમુરાએ જિયો પ્લેટફોર્મ્સના શેર માટે ₹1.340 નો લક્ષ્યાંક ભાવ (ટાર્ગેટ પ્રાઈસ) નક્કી કર્યો છે, જે 20% સુધીના સંભવિત ઉછાળાનું સૂચન કરે છે.

IPO ને મળેલો જબરદસ્ત પ્રતિસાદ એ હકીકત પરથી સ્પષ્ટ થાય છે કે કુલ બોલીઓ (bids) ₹7 લાખ કરોડને વટાવી ગઈ હતી. એન્કર રોકાણકારોએ આશરે ₹2.5  લાખ કરોડની બોલી લગાવી હતી, જ્યારે અન્ય રોકાણકારોએ લગભગ ₹4.9 લાખ કરોડની બોલીઓ લગાવી હતી.