મહિલા પ્રીમિયર લીગમાં બાકીના ખેલાડીઓના સ્થાનો ભરવા માટે આજે હરાજી યોજાશે. 150 ખેલાડીઓના પૂલમાંથી પાંચ ફ્રેન્ચાઇઝી કુલ 27 જગ્યાઓ ભરવા માટે બોલી લગાવશે.

ભારતીય વિકેટકીપર-બેટર જી. કમલિની, ઓલરાઉન્ડર સ્નેહ રાણા, ઓસ્ટ્રેલિયાની સોફી મોલિન્યૂક્સ અને ગ્રેસ હેરિસ તેમજ ઇંગ્લેન્ડની સોફિયા ડંકલી પર સૌની નજર રહેશે. મુંબઈની 16 વર્ષીય બેટર ઇરા જાધવ પણ ચર્ચામાં છે. તેણે ગયા વર્ષે મહિલા અંડર-19 વન-ડે ટૂર્નામેન્ટમાં 157 બોલમાં અણનમ નહીં, પરંતુ 346 રનની શાનદાર ઇનિંગ રમી હતી.

યુપી વોરિયર્સ ₹3.75 કરોડના સૌથી મોટા બજેટ સાથે હરાજીમાં ઉતરશે. બીજી તરફ, ડિફેન્ડિંગ ચેમ્પિયન રોયલ ચેલેન્જર્સ બેંગલુરુ પોતાની ટીમને વધુ મજબૂત બનાવવા અને ત્રીજું ટાઇટલ જીતવાના લક્ષ્ય સાથે ખેલાડીઓ પર બોલી લગાવશે.

WPL 2027ની હરાજી પહેલાં યુપી વોરિયર્સ પાસે સૌથી વધુ ₹3.75 કરોડનું બજેટ બાકી છે. ગુજરાત જાયન્ટ્સ પાસે ₹1.25 કરોડ, રોયલ ચેલેન્જર્સ બેંગલુરુ પાસે ₹1.15 કરોડ અને દિલ્હી કેપિટલ્સ પાસે ₹1.10 કરોડ બાકી છે. જ્યારે મુંબઈ ઇન્ડિયન્સ પાસે સૌથી ઓછું ₹90 લાખનું બજેટ બાકી છે. હવે આ રકમનો ઉપયોગ કરીને પાંચેય ટીમો પોતાની જરૂરિયાત મુજબ ખેલાડીઓને ખરીદશે.

હરાજીમાં કયા ખેલાડીને કેટલી રકમ મળશે, કઈ ટીમ કોને ખરીદશે અને પાંચેય ટીમોની અંતિમ સ્ક્વોડ કેવી હશે? WPL 2027 ઓક્શનની તમામ લાઈવ અપડેટ્સ, ખેલાડીઓની ખરીદી અને ટીમ પ્રમાણે સ્ક્વોડની સંપૂર્ણ માહિતી માટે અમારી સાથે જોડાયેલા રહો.