ભારતીય ક્રિકેટ ટીમ ન્યૂઝીલેન્ડ સામે વનડે સિરીઝમાં 2-0થી આગળ છે.હવે ટીમનું ધ્યાન આવતીકાલે 10 નવેમ્બરે હેમિલ્ટનમાં રમાનારી ત્રીજી વનડે પર છે.પરંતુ આ વનડે સિરીઝની વચ્ચે જ ભારતીય ટીમે આગામી ટેસ્ટ સિરીઝ માટે ખાસ તૈયારી શરૂ કરી દીધી છે.ટીમ મેનેજમેન્ટે અર્શદીપ સિંહ,ગુરનૂર બ્રાર અને ઔકિબ નબી જેવા 3 ઝડપી બોલરોને ન્યૂઝીલેન્ડમાં જ રોકવાની યોજના બનાવી છે.બેટિંગ કોચ સિતાંશુ કોટકે આ અંગે માહિતી આપતાં જણાવ્યું હતું કે ત્રણેય બોલરો ટેસ્ટ સિરીઝની તૈયારી માટે ટીમ સાથે રોકાશે.સવાલ એ છે કે વનડે સિરીઝ પૂરી થાય તે પહેલાં જ આ નિર્ણય કેમ લેવામાં આવ્યો? તેની પાછળ ન્યૂઝીલેન્ડની પરિસ્થિતિ અને ટેસ્ટ ક્રિકેટની ખાસ જરૂરિયાતો જવાબદાર છે.

ન્યૂઝીલેન્ડની પીચ પર સ્વિંગ અને સીમનો પડકાર

ભારત અને ન્યૂઝીલેન્ડ વચ્ચે રમાયેલી શરૂઆતની બંને વનડેમાં બોલરોને મદદરૂપ પીચ જોવા મળી હતી.સીમ અને સ્વિંગને કારણે બેટ્સમેનો માટે રન બનાવવા સરળ રહ્યા નહોતા.કોટકના જણાવ્યા અનુસાર,આ પીચ પર મળેલો અનુભવ ટેસ્ટ સિરીઝની તૈયારીમાં ઉપયોગી સાબિત થઈ શકે છે.પીચ પર ઘાસનું પ્રમાણ, બોલની હિલચાલ અને હવામાનની અસરને સમજવી ઝડપી બોલરો માટે મહત્ત્વપૂર્ણ છે.

ત્રણ બોલરોની ખાસ જવાબદારી

ટેસ્ટ ખેલાડીઓનું કેમ્પ 11 નવેમ્બરથી

ભારતીય ટેસ્ટ ટીમના ખેલાડીઓ 11 નવેમ્બરથી તૈયારી શિબિરમાં જોડાવાના છે. બેટિંગ કોચ સિતાંશુ કોટક અને બોલિંગ કોચ મોર્ને મોર્કેલ વેલિંગ્ટન જશે. મુખ્ય કોચ ગૌતમ ગંભીર વનડે ટીમ સાથે રહેશે.કોટકના જણાવ્યા અનુસાર, ટેસ્ટ ખેલાડીઓને તૈયારી માટે 5થી 6 પ્રેક્ટિસ સત્રો મળશે. આ સમયનો ઉપયોગ ટીમ પરિસ્થિતિને સમજવા અને લાલ બોલના પડકાર માટે તૈયાર થવામાં કરશે.

ભારતની ટેસ્ટ સિરીઝ ક્યારે શરૂ થશે?

1. પ્રથમ ટેસ્ટ: 19થી 23 નવેમ્બર, વેલિંગ્ટન
2. બીજી ટેસ્ટ: 27 નવેમ્બરથી 1 ડિસેમ્બર, ક્રાઇસ્ટચર્ચ

શું આ ત્રણેય બોલરો ટેસ્ટમાં રમશે?

અહીં એક મહત્ત્વની વાત સમજવી જરૂરી છે. અર્શદીપ, ગુરનૂર અને ઔકિબને ટેસ્ટની તૈયારી માટે રોકવાનો નિર્ણય થયો છે, પરંતુ તેનો અર્થ એ નથી કે ત્રણેયને ટેસ્ટની અંતિમ પ્લેઇંગ ઇલેવનમાં સ્થાન મળી ગયું છે.

બોલરોને કેવી રીતે મળશે ફાયદો?

સિતાંશુ કોટકના જણાવ્યા અનુસાર, ભારત અને ન્યૂઝીલેન્ડ વચ્ચે રમાયેલી શરૂઆતની બંને વનડે મેચની પીચ પર ઝડપી બોલરોને સ્વિંગ અને સીમ મૂવમેન્ટ મળી હતી. આવી પરિસ્થિતિમાં અર્શદીપ સિંહ, ગુરનૂર બ્રાર અને આકિબ નબીએ સારું પ્રદર્શન કર્યું છે.કોટકે જણાવ્યું કે વનડે મેચોમાંથી ખેલાડીઓને ત્યાંની પીચ અને વાતાવરણનો અંદાજ મળી જાય છે. આ અનુભવનો ઉપયોગ ટેસ્ટ ક્રિકેટની તૈયારીમાં થઈ શકે છે. ખાસ કરીને લાલ બોલથી બોલિંગ કરતી વખતે આ પરિસ્થિતિઓનો અનુભવ ઝડપી બોલરો માટે ઉપયોગી રહેશે.તેમણે એમ પણ જણાવ્યું કે ભારત-Aની 3 મેચ પણ ટેસ્ટ સીરિઝની તૈયારીનો મહત્ત્વપૂર્ણ ભાગ રહી છે. આ મેચોમાં બેટ્સમેનો અને બોલરો બંનેને પોતાની ક્ષમતા ચકાસવાની તક મળી છે.

આ પણ વાંચો – IND vs NZ : સીરિઝ વચ્ચે ટીમ ઈન્ડિયાનો માસ્ટર પ્લાન! આ 3 ખેલાડીઓને સોંપાઈ મોટી જવાબદારી