ગુજરાતના ઐતિહાસિક અને વ્યૂહાત્મક રીતે મહત્વપૂર્ણ જામનગર શહેરમાં આગામી 17 થી 19 નવેમ્બર દરમિયાન આંતરરાષ્ટ્રીય સ્તરની આપત્તિ રાહત કવાયત ‘સહાયતા સેતુ’નું ભવ્ય આયોજન કરવામાં આવ્યું છે. જામનગર એરફોર્સ સ્ટેશન ખાતે યોજાનારા આ મેગા ડ્રીલ દ્વારા આ આપત્તિ વ્યવસ્થાપનની ક્ષમતાઓને વૈશ્વિક સ્તરે વધુ મજબૂત બનાવવાનો મુખ્ય હેતુ રાખવામાં આવ્યો છે.

મિત્ર દેશોની સેનાઓ અને સંયુક્ત દળોની ભાગીદારી

આ કવાયતમાં માત્ર ભારતીય સેના જ નહીં, પરંતુ ભારત સહિત અનેક મિત્ર દેશોની સેનાઓ પણ ઉત્સાહભેર ભાગ લેશે. જેમાં મુખ્યત્વે શ્રીલંકા, નેપાળ, ઇન્ડોનેશિયા અને મલેશિયા જેવા દેશોના સૈન્ય દળો જોડાઈને સંયુક્ત અભ્યાસ કરશે. આ ઉપરાંત ભારતીય વાયુસેના, આર્મી, નેવી, કોસ્ટગાર્ડ અને NDMA (રાષ્ટ્રીય આપત્તિ વ્યવસ્થાપન સત્તામંડળ) પણ આ સંયુક્ત કવાયતમાં જોડાશે.

<a href="

=” target=”_blank”>

=

દિગ્ગજ નેતાઓ અને રક્ષામંત્રીઓની વિશેષ ઉપસ્થિતિ

આ રાષ્ટ્રીય તથા આંતરરાષ્ટ્રીય મહત્વના અભ્યાસ પ્રસંગે દેશના વડાપ્રધાન નરેન્દ્ર મોદી જામનગર ખાતે ઉપસ્થિત રહે તેવી પ્રબળ શક્યતા છે. તેમની સાથે દેશના રક્ષા મંત્રીઓ તેમજ ત્રણેય સેનાના વડાઓ પણ વિશેષ ઉપસ્થિત રહીને આ આપત્તિ રાહત કવાયતનું નિરીક્ષણ કરશે અને સુરક્ષા વ્યવસ્થાઓની સમીક્ષા કરશે.

આપત્તિ સમયની તૈયારીઓ અને રાહત સામગ્રીનું નિદર્શન

આ કવાયત દરમિયાન ભૂકંપ, ભયાનક વાવાઝોડા અને પૂર જેવી કુદરતી આફતોનો સામનો કરવાની અદ્યતન તૈયારીઓનું જીવંત પ્રદર્શન કરવામાં આવશે. આપત્તિગ્રસ્ત વિસ્તારોમાં તાત્કાલિક રાહત સામગ્રી ઝડપથી પહોંચાડવાની સૈન્ય ક્ષમતાઓનું પણ વિશેષ નિદર્શન યોજાશે, જેથી ભવિષ્યમાં કોઈપણ કટોકટીની સ્થિતિને પહોંચી વળવા માટે આપત્તિ વ્યવસ્થાપનને વધુ સશક્ત બનાવી શકાય.

આ પણ વાંચો: Jamnagar-કાલાવડ રોડ પર નવા વર્ષે હૃદયદ્રાવક દુર્ઘટના; ચાલુ કારનું ટાયર ફાટતા બેના કરુણ મોત