બોટાદના શિરવાણીયા સહિતનાં ગામોમાં સિંચાઈના પાણીની અછત:રવિ સિઝનનું 50 ટકા વાવેતર પૂર્ણ, પાકને સમયસર પાણી મળે તે માટે સરકાર પાસે પાણી છોડવાની માંગ

📅 Published: November 16, 2026 | 📂 Category: gujarati-news

બોટાદ જિલ્લામાં રવિ સિઝનની વાવણીને લઈને ખેડૂતોએ તૈયારીઓ શરૂ કરી દીધી છે. શિરવાણીયા સહિત આસપાસનાં ગામોમાં અંદાજે 50 ટકા જેટલું વાવેતર પણ પૂર્ણ થઈ ગયું છે. જોકે, આ વર્ષે ચોમાસામાં ઓછો વરસાદ પડતાં જળસંગ્રહમાં ઘટાડો થયો છે, જેના કારણે હવે ખેડૂતો સામે સિંચાઈના પાણીની સમસ્યા ઊભી થઈ છે. મહત્વના પાકને સમયસર પાણીની જરૂર
રવિ સિઝનમાં ઘઉં, ચણા અને જીરું જેવા મહત્વના પાકનું વાવેતર કરવામાં આવે છે. આ પાકના સારા ઉત્પાદન માટે સમયસર સિંચાઈ કરવી જરૂરી છે. પરંતુ હાલ પાણીની અછત અને સિંચાઈ માટે પાણી મળશે કે નહીં તેની અનિશ્ચિતતાને પગલે ખેડૂતોની ચિંતા વધી છે. એક તરફ ખેડૂતો વાવણી અને પાકની માવજતમાં વ્યસ્ત છે, તો બીજી તરફ ઉભા પાકને પૂરતું પાણી મળશે કે કેમ તે અંગે પ્રશ્નાર્થ સર્જાયો છે. પાકને નુકસાન થવાની ભીતિ
ખેડૂતોના જણાવ્યા મુજબ, જો પાકને જરૂરી સમયે સિંચાઈનું પાણી નહીં મળે તો તેની સીધી અસર ઉત્પાદન પર પડી શકે છે. પાણીના અભાવે ઉભા પાકને નુકસાન થવાની પણ ભીતિ છે. આથી ખેડૂતો દ્વારા સરકાર અને સિંચાઈ વિભાગ સમક્ષ સમયસર પાણી છોડવાની માંગ કરવામાં આવી છે. સરકાર પાસે પાણી છોડવાની માંગ
ખેડૂતોનું કહેવું છે કે રવિ સિઝનના પાકનું સારું ઉત્પાદન મેળવવા માટે સરકારે સમયસર સિંચાઈનું પાણી ઉપલબ્ધ કરાવવું જરૂરી છે. હવે જોવાનું એ રહેશે કે ખેડૂતોની રજૂઆતને ધ્યાનમાં રાખીને સરકાર અને સિંચાઈ વિભાગ દ્વારા પાણી છોડવા અંગે શું નિર્ણય લેવામાં આવે છે. કારણ કે સિંચાઈ માટે પૂરતું પાણી મળશે તો જ ખેડૂતો રવિ સિઝનમાં આશાસ્પદ ઉત્પાદન મેળવી શકશે.


📱 Share on WhatsApp 🌐 View Original Article

Leave a Reply

Your email address will not be published. Required fields are marked *