Vadodara: પંડ્યા બ્રિજ પર ઓવરલોડ ટેન્કરની ટક્કરથી બાઇક સવાર દંપતીનાં મોત, 4 વાહનો અથડાયાં

📅 Published: November 19, 2026 | 📂 Category: Crime

વડોદરા શહેરના પંડ્યા બ્રિજ પર ઓવરલોડ ટેન્કરની ટક્કરથી ગમખ્વાર અકસ્માત સર્જાયો હતો. ટેન્કરે ટુ-વ્હીલર પર જઈ રહેલા દંપતીને અડફેટે લેતાં બંનેનાં ઘટનાસ્થળે જ કરુણ મોત નીપજ્યાં હતાં. આ અકસ્માત બાદ પાછળથી આવી રહેલાં અન્ય 4 વાહનો પણ એકબીજા સાથે અથડાતાં અફરાતફરી મચી ગઈ હતી.

ટેન્કરની ટક્કરથી દંપતીનાં મોત

મળતી વિગતો અનુસાર, પંડ્યા બ્રિજ પરથી પસાર થઈ રહેલા ઓવરલોડ ટેન્કરે ટુ-વ્હીલર પર સવાર દંપતીને જોરદાર ટક્કર મારી હતી. ટક્કર એટલી ગંભીર હતી કે દંપતીને ગંભીર ઇજાઓ પહોંચતાં બંનેએ ઘટનાસ્થળે જ જીવ ગુમાવ્યો હતો.

પાછળ આવતાં 4 વાહનો પણ અથડાયાં

દંપતીને ટક્કર માર્યા બાદ પાછળથી આવી રહેલાં અન્ય 4 વાહનો પણ એકબીજા સાથે અથડાયાં હતાં. એક જ અકસ્માતમાં અનેક વાહનો અથડાતાં બ્રિજ પર અફરાતફરીનો માહોલ સર્જાયો હતો.

ટેન્કર ચાલક ફરાર, પોલીસ તપાસ શરૂ

અકસ્માત સર્જ્યા બાદ ટેન્કર ચાલક વાહન સાથે ઘટનાસ્થળેથી ફરાર થઈ ગયો હતો. ઘટનાની જાણ થતાં 108 એમ્બ્યુલન્સ અને પોલીસનો કાફલો સ્થળ પર દોડી આવ્યો હતો. પોલીસે ફરાર ટેન્કર ચાલકને ઝડપી પાડવા તપાસ તેજ કરી છે. સમગ્ર મામલે પોલીસે વધુ તપાસ હાથ ધરી છે. 

આ પણ વાંચો :   Explainer : ‘મર્દ કો દર્દ નહીં હોતા’ની માન્યતા પાછળ પુરુષોની વેદના, બદનામીના ડરથી 78 ટકા પીડિત પતિઓ મૌન


📱 Share on WhatsApp 🌐 View Original Article

Leave a Reply

Your email address will not be published. Required fields are marked *