ગુજરાતના સુરત (Surat) શહેરના કતારગામ (Katargam), મહિધરપુરા (Mahidharpura) અને વરાછા (Varachha) વિસ્તારમાં ચપ્પુ વડે હુમલો કરી લૂંટની ઘટનાઓને અંજામ આપનારા આરોપીઓ સામે સુરત પોલીસ (Surat Police) દ્વારા કડક કાર્યવાહી કરવામાં આવી છે. સુરત ક્રાઈમ બ્રાન્ચ (Surat Crime Branch) દ્વારા વધુ એક આરોપી લક્ષ્મણ ઉર્ફે ગુડ્ડુ (Laxman alias Guddu) ને ઝડપી પાડવામાં આવ્યો છે.
વહેલી સવારે ઝોન-2 ની ટીમે પરવેઝને ઝડપ્યો
આજે વહેલી સવારે સુરત પોલીસની ઝોન-2 (Zone 2) ની ટીમ દ્વારા પ્રથમ આરોપી પરવેઝ મુશરફ અન્સારી (Parvez Musharraf Ansari) ને ઝડપી પાડવામાં આવ્યો હતો. પોલીસ જ્યારે આરોપીને પકડવા ગઈ ત્યારે પરવેઝે પોલીસ હેડ કોન્સ્ટેબલ અનિલકુમાર અમરસિંહ (Head Constable Anilkumar Amarsinh) ઉપર ચાકુથી હુમલો કરતા તેઓ સ્થળ પર જ ગંભીર રીતે ઈજાગ્રસ્ત થયા હતા. પરિસ્થિતિ વણસતા લિંબાયત પોલીસ સ્ટેશન (Limbayat Police Station) ના પોલીસ ઇન્સ્પેક્ટર ડી.ડી. ચૌહાણ (PI D.D. Chauhan) એ ચપ્પુ ફેંકી દેવા ચેતવણી આપી હતી અને હવામાં એક રાઉન્ડ ફાયરિંગ પણ કર્યું હતું. તેમ છતાં આરોપી PI પર ફરી હુમલો કરવા ધસતા સ્વબચાવમાં PI એ આરોપીના ડાબા પગમાં ગોળી મારી હતી.
6 મોબાઈલ ફોન, ચપ્પુ અને મોટરસાઈકલ સહિત રૂ. 35,000 નો મુદ્દામાલ જપ્ત
આ સમગ્ર ઓપરેશન અને કાર્યવાહી દરમિયાન પોલીસે લૂંટ કરવામાં આવેલા 6 મોબાઈલ ફોન, ચપ્પુ અને મોટરસાઈકલ સહિત કુલ રૂપિયા 35,000 નો મુદ્દામાલ જપ્ત કર્યો છે. ઈજાગ્રસ્ત હેડ કોન્સ્ટેબલ તેમજ ગોળી વાગનાર આરોપીને સારવાર અર્થે ખસેડવાની સાથે કાયદેસરની કાર્યવાહી હાથ ધરવામાં આવી છે. ક્રાઈમ બ્રાન્ચ દ્વારા ઝડપાયેલા લક્ષ્મણ ઉર્ફે ગુડ્ડુ સહિતના આરોપીઓએ અગાઉ અન્ય કોઈ ગુનાઓને અંજામ આપ્યો છે કે કેમ તે દિશામાં પોલીસે વધુ ઊંડાણપૂર્વક તપાસ શરૂ કરી છે. અત્રે ઉલ્લેખનીય છે કે, બંને આરોપીઓએ માત્ર 40 મિનિટ (40 Minutes) ના ટૂંકા ગાળામાં જ પાંચ જેટલી લૂંટની ઘટનાઓને અંજામ આપીને શહેરમાં ભયનો માહોલ સર્જ્યો હતો, જે બાદ સમગ્ર સુરત પોલીસની ટીમો આરોપીઓને ઝડપી પાડવા કામે લાગી હતી.
આ પણ વાંચો : Ahmedabadમાં VHP નું ‘હિતચિંતક અભિયાન-2026’, 22 નવેમ્બરથી 6 ડિસેમ્બર સુધી ગુજરાતના ગામોમાં સંપર્ક
