પાટણના રાણકીવાવ રોડ સ્થિત કાલિકા મંદિરમાં તુલસીવિવાહ યોજાયો:બતીવાડા વિસ્તારથી ભગવાનનો વરઘોડો મંદિરે પહોંચ્યો; ભક્તોએ દર્શન અને પ્રસાદનો લાભ લીધો

📅 Published: November 22, 2026 | 📂 Category: gujarati-news

પાટણ શહેરના રાણકીવાવ રોડ પર આવેલા નવીન કાલિકા માતાજી મંદિર પરિસરમાં દેવઉઠી અગિયારસની રાત્રે તુલસીવિવાહનું આયોજન કરવામાં આવ્યું હતું. યજમાન પરિવારના નિવાસસ્થાનેથી નીકળેલા વરઘોડા બાદ મંદિર પરિસરમાં શાસ્ત્રોક્ત વિધિથી વિવાહ પ્રસંગ ઉજવાયો હતો, જેમાં મોટી સંખ્યામાં ભક્તોએ ઉપસ્થિત રહી દર્શન અને પ્રસાદનો લાભ લીધો હતો. બતીવાડા વિસ્તારથી ભગવાનનો વરઘોડો મંદિર પહોંચ્યો દેવઉઠી અગિયારસના પર્વ નિમિત્તે શનિવારે રાત્રે આયોજિત આ પ્રસંગની શરૂઆતમાં પાટણના બતીવાડા વિસ્તારમાં રહેતા યજમાન રાકેશ ચુનીલાલ અને તેમના પત્ની નયનાબેનના નિવાસસ્થાનેથી વાજતે-ગાજતે ભગવાનનો વરઘોડો નીકળ્યો હતો, જે શહેરના માર્ગો પરથી પસાર થઈને રાણકીવાવ રોડ પર આવેલા નવીન કાલિકા માતાજી મંદિર પરિસર ખાતે પહોંચ્યો હતો. મંત્રોચ્ચાર સાથે તુલસીવિવાહની વિધિ
રાકેશ ચુનીલાલ પરિવારના યજમાન પદે સમગ્ર કાર્યક્રમ યોજાયો હતો, જ્યાં મંદિર પરિસરમાં વરઘોડાના આગમન બાદ મંદિરના પૂજારી શિવમ મહારાજ દ્વારા શાસ્ત્રોક્ત વિધિ અને મંત્રોચ્ચાર સાથે તુલસીવિવાહની ધાર્મિક વિધિ સંપન્ન કરાવવામાં આવી હતી.
ભક્તોએ દર્શન અને પ્રસાદનો લાભ લીધો
દેવઉઠી અગિયારસના અવસરે યોજાયેલા આ તુલસીવિવાહ પ્રસંગમાં પાટણ શહેરના વિવિધ વિસ્તારોમાંથી મોટી સંખ્યામાં ભક્તો મંદિર પરિસરમાં ઉમટી પડ્યા હતા, અને તુલસીવિવાહનાં દર્શન તેમજ પ્રસાદનો લાભ લીધો હતો.


📱 Share on WhatsApp 🌐 View Original Article

Leave a Reply

Your email address will not be published. Required fields are marked *