ગુજરાતના ડભોઇ (Dabhoi) ખાતે યોજાયેલા સ્નેહમિલન કાર્યક્રમ (Snehamilan Programme) દરમિયાન ધારાસભ્ય શૈલેષ મહેતા (MLA Shailesh Mehta) ના નિવેદનથી રાજકીય માહોલ ગરમાયો છે. કાર્યક્રમ અને મીડિયા સમક્ષ બોલતા તેમણે જયેશ પટેલ (Jayesh Patel) નું નામ લીધા વગર આડકતરા પ્રહારો કર્યા હતા. આ ઉપરાંત, જયેશ પટેલના બેનરો અને 500 ગ્રામ મીઠાઈના વિતરણને લઈને પણ તેમણે ટિપ્પણી કરી હતી, જેના પગલે સ્થાનિક રાજકારણમાં ચર્ચાઓ તેજ બની છે.
રેતી-માટી ચોરી અને CID તપાસ અંગે દાવો
ધારાસભ્ય શૈલેષ મહેતાએ રેતી અને માટી ચોરીના આક્ષેપો અંગે મીડિયા સમક્ષ નિવેદન આપતા દાવો કર્યો હતો કે છોટાઉદેપુર (Chhota Udepur) માં રેતી ચોરી મામલે CID તપાસ ચાલુ છે. તેમણે એવું પણ જણાવ્યું હતું કે ભાજપ પરિવારમાં છે ત્યાં સુધી બચાવીશું, જ્યારે પોતાની વાતોના સમર્થનમાં તેમણે દાવો કર્યો કે જે કંઈ કહું છું તેના ઓન રેકોર્ડ પુરાવા તેમની પાસે છે અને તેઓ ડંકાની ચોટ પર કહે છે કે કોઈનાથી ગભરાતા નથી.
વિકાસ કામોનો દાવો અને ચૂંટણી પૂર્વે ગરમાયેલું રાજકારણ
શૈલેષ મહેતાએ દાવો કર્યો હતો કે ડભોઇમાં સૌથી વધુ વિકાસના કામો થયા છે અને આ વિકાસના કામોની માહિતી RTI (Right to Information) દ્વારા મેળવી શકાય છે. વિધાનસભા ચૂંટણી (Assembly Election) નજીક આવતા ડભોઇ પંથકમાં ગામેગામ બેનરો લાગવાની ઘટનાઓ વચ્ચે ધારાસભ્યના આ નિવેદનો અને દાવાઓએ રાજકીય ચર્ચાને વધુ વેગ આપ્યો છે.
આ પણ વાંચો : Ahmedabadના વસ્ત્રાલમાં લગ્નપ્રસંગમાં આવેલા પરિવાર પર જીવલેણ હુમલો, હોર્ન મારવા જેવી નજીવી બાબતે ચાર શખસોનો આતંક
