By Dharmesh Prajapati
વૈશ્વિક ટેકનોલોજી અને કોર્પોરેટ જગતમાંથી આર્ટિફિશિયલ ઇન્ટેલિજન્સ (AI) ની દિગ્ગજ કંપની ઓપન-એઆઈ (OpenAI) ને લઈને એક અત્યંત ચોંકાવનારો અહેવાલ સામે આવ્યો છે. પ્રખ્યાત બિઝનેસ અખબાર ફાઇનાન્સિયલ ટાઇમ્સ (FT) ના રિપોર્ટ અનુસાર, ચેટજીપીટી (ChatGPT) બનાવનારી આ કંપનીએ આઈપીઓ (IPO) એટલે કે પબ્લિક માર્કેટમાં લિસ્ટ થતાં પહેલાં વૈશ્વિક AI બજાર પર સંપૂર્ણ દબદબો (Dominate) મેળવવા માટે ગયા વર્ષે પાણીની જેમ પૈસા વહાવ્યા છે.
ઓડિટેડ નાણાકીય આંકડાઓ દર્શાવે છે કે OpenAI એ માત્ર એક જ વર્ષમાં $૩૪ બિલિયન (આશરે ૨.૮ લાખ કરોડ રૂપિયા) નો અધધ કહી શકાય તેવો જંગી ખર્ચ કર્યો છે. આ આંકડા સામે આવ્યા બાદ સિલિકોન વેલીથી લઈને વોલ સ્ટ્રીટ સુધીના રોકાણકારો આશ્ચર્યચકિત થઈ ગયા છે.
ક્યાં વપરાયા આટલા બધા અબજો ડોલર?
ફાઇનાન્સિયલ ટાઇમ્સના ઓડિટેડ રિપોર્ટ અનુસાર, કંપનીએ પોતાના મોડલ્સને વધુ હાઈટેક અને પાવરફુલ બનાવવા માટે નીચે મુજબના સેક્ટરમાં મોટો ખર્ચ કર્યો છે:
- રિસર્ચ એન્ડ ડેવલપમેન્ટ (R&D): વર્ષ ૨૦૨૫ દરમિયાન કંપનીએ તેના સૌથી અદભુત અને એડવાન્સ એઆઈ મોડલ્સના સંશોધન અને વિકાસ પાછળ આશરે $૧૯ બિલિયન (રૂ. ૧.૫ લાખ કરોડથી વધુ) નો સિંહફાળો ખર્ચ્યો છે.
- સેલ્સ એન્ડ માર્કેટિંગ: ગૂગલ અને એન્થ્રોપિક જેવી હરીફ કંપનીઓ સામે માર્કેટમાં ટકી રહેવા અને ગ્રાહકો આકર્ષવા માટે સેલ્સ, માર્કેટિંગ અને અન્ય ઓપરેશનલ ખર્ચાઓ પાછળ આશરે $૬ બિલિયન (આશરે ૫૦,૦૦૦ કરોડ રૂપિયા) નો ધુમાડો કરવામાં આવ્યો છે.
પ્લાન્ડ IPO અને માર્કેટ રેસ
એલન મસ્કની સ્પેસએક્સ (SpaceX) ના તાજેતરના રેકોર્ડબ્રેક $૨ ટ્રિલિયનના આઈપીઓ લિસ્ટિંગ બાદ, હવે ઓપન-એઆઈ પણ શેરબજારમાં પ્રવેશવા માટે પૂરેપૂરી સજ્જ થઈ રહી છે. આ આઈપીઓ પહેલાં પોતાની વેલ્યુએશન આકાશે પહોંચાડવા અને દુનિયાભરના ટેક માર્કેટમાં એકચક્રી શાસન સ્થાપવા માટે કંપનીએ આટલું મોટું આર્થિક જોખમ ઉઠાવ્યું છે.
ખાસ કરીને ડિજિટલ પબ્લિશિંગ, આઈટી ઇન્ફ્રાસ્ટ્રક્ચર અને ટેકનિકલ એસઈઓ (SEO) ક્ષેત્ર સાથે જોડાયેલા નિષ્ણાતો માટે આ આંકડા ખૂબ મહત્વના છે. OpenAI નો આ જંગી ખર્ચ સ્પષ્ટ કરે છે કે આગામી સમયમાં ચેટબોટ્સ અને સર્ચ એન્જિન ટેકનોલોજી સંપૂર્ણપણે બદલાઈ જવાની છે, જેના માટે ન્યૂઝ પોર્ટલ્સ અને ડિજિટલ પ્લેટફોર્મ્સે અત્યારથી જ એઆઈ-રેડી (AI-Ready) થવું પડશે.
હવે જોવાનું એ રહેશે કે $૩૪ બિલિયનના આ આકરા ખર્ચ બાદ જ્યારે ઓપન-એઆઈ શેરબજારમાં પોતાનો આઈપીઓ લાવશે, ત્યારે રોકાણકારો તેને સ્પેસએક્સ જેવો જ ભવ્ય પ્રતિસાદ આપે છે કે નહીં!
કનેક્ટ વિથ ધર્મેશ પ્રજાપતિ +91 7359585035 Call / WhatsApp
Website: ambeinfotech.com
Read more on newsforyou.live