બિલિમોરા, દેવસર: દેવસર પ્રાથમિક શાળા વિદ્યામંદિર – ૧ ખાતે દેશના ૮૦મા સ્વતંત્રતા દિવસની ઉજવણી કરવામાં આવી હતી. આ પ્રસંગે ‘મન્નત કા રાજા ચેરિટેબલ ટ્રસ્ટ’ના પ્રમુખ સુનિલભાઈ કેવટના હસ્તે ધ્વજવંદન સંપન્ન થયું. સુનિલભાઈ કેવટે રાષ્ટ્રધ્વજ ફરકાવ્યા બાદ ઉપસ્થિત સૌએ રાષ્ટ્રગીતનું ગાન કર્યું હતું. આ કાર્યક્રમમાં શાળા પરિવાર, શિક્ષકગણ, વિદ્યાર્થીઓ અને વાલીઓ મોટી સંખ્યામાં હાજર રહ્યા હતા. કાર્યક્રમ દરમિયાન શાળાના વિદ્યાર્થીઓ દ્વારા દેશભક્તિ ગીતો અને વિવિધ સાંસ્કૃતિક કૃતિઓ રજૂ કરવામાં આવી હતી. સમગ્ર શાળા પરિસરમાં રાષ્ટ્રીય પર્વનો માહોલ જોવા મળ્યો હતો.