પાટણ શહેરમાં 80માં સ્વાતંત્ર્ય દિનની હર્ષોલ્લાસપૂર્વક ઉજવણી કરવામાં આવી હતી. શહેરના સાળવીવાડા પાસે આવેલા ડો. પંડ્યા અભ્યાસગૃહ ખાતે 15મી ઓગસ્ટના રોજ ધ્વજવંદન કાર્યક્રમ યોજાયો હતો, જેમાં રાષ્ટ્રધ્વજ ફરકાવી સલામી આપવામાં આવી હતી. આ પ્રસંગે દેશભક્તિના માહોલમાં વકૃત્વ સ્પર્ધા, ચિત્ર સ્પર્ધા અને લોકગીત સ્પર્ધાનું આયોજન કરવામાં આવ્યું હતું. આ સ્પર્ધાઓમાં શાળાના આચાર્ય, શિક્ષણગણ, વાલીઓ અને વિદ્યાર્થીઓએ ઉત્સાહપૂર્વક ભાગ લીધો હતો.