બોટાદ LCB પોલીસે વાહનચોરીના ગુનામાં કાર્યવાહી કરતા બરવાળા તાલુકાના નાવડા ગામના એક શખ્સને 8 ચોરીની મોટરસાયકલ સાથે ઝડપી પાડ્યો છે. પોલીસે કુલ રૂ. 2.05 લાખનો મુદ્દામાલ કબજે કર્યો છે. બોટાદ LCB PSI વસાવા અને તેમની ટીમ પેટ્રોલિંગમાં હતી. તે દરમિયાન મળેલી બાતમીના આધારે શખ્સને અટકાવી પૂછપરછ કરવામાં આવી હતી. પૂછપરછ દરમિયાન તેની ઓળખ નાવડા ગામના રાજુભાઈ નરશીભાઈ વાંઝડીયા તરીકે થઈ હતી. LCB પોલીસની તપાસમાં આરોપી પાસેથી એક મોટરસાયકલ મળી આવી હતી. ત્યાર બાદ તેના ઘરે તપાસ કરતા વધુ 7 ચોરીની મોટરસાયકલ મળી આવી હતી. આમ, પોલીસે કુલ 8 મોટરસાયકલ કબજે કરી છે. પોલીસે રૂ. 2 લાખ 5 હજારનો મુદ્દામાલ કબજે કરીને આ મામલે વધુ તપાસ હાથ ધરી છે.