પારડી તાલુકાના ઉમરસાડી ગામ ખાતે 20 ઓગસ્ટના રોજ બપોરે 2 કલાકે સંત શિરોમણી શ્રી રવિદાસ મહારાજની જન્મજયંતી નિમિત્તે કળશ યાત્રા અને કળશ વિતરણ કાર્યક્રમ યોજાયો હતો. આ કાર્યક્રમ મંત્રી કનુભાઈ દેસાઈની આગેવાની હેઠળ સંપન્ન થયો હતો. મંત્રી કનુભાઈ દેસાઈની આગેવાની હેઠળ યોજાયેલા આ કાર્યક્રમમાં મોટી સંખ્યામાં કાર્યકરો અને ગ્રામજનો જોડાયા હતા. આ પ્રસંગે પારડી તાલુકા ભાજપ પ્રમુખ પુનિત પટેલ, વલસાડ જિલ્લા પંચાયત કારોબારી ચેરમેન પ્રજ્ઞેશભાઈ પટેલ, તાલુકા પંચાયત પ્રમુખ કિન્નરીબેન, મહામંત્રી હરીશભાઈ પટેલ, જીગ્નેશભાઈ ઉદવાડીયા, જિલ્લા પંચાયત સદસ્ય નરેશભાઈ પટેલ, જિલ્લા યુવા મહામંત્રી મયંક પટેલ, યુવા મોરચા પ્રમુખ રવિ પટેલ, જિલ્લા ઓબીસી મહામંત્રી ગ્રેવીન ટંડેલ સહિતના આગેવાનો ઉપસ્થિત રહ્યા હતા. આ ઉપરાંત, ગામના સરપંચ ખુશ્બૂબેન ટંડેલ, તાલુકા પંચાયતના સદસ્યો, સંગઠનના હોદ્દેદારો, સરપંચ મિત્રો અને મોટી સંખ્યામાં ભાજપના કાર્યકરો પણ ઉપસ્થિત રહ્યા હતા. સંત શ્રી રવિદાસ મહારાજના સમરસતા અને સામાજિક એકતાના સંદેશને જનજન સુધી પહોંચાડવાના સંકલ્પ સાથે આ કળશ યાત્રા અને કળશ વિતરણ કરવામાં આવ્યું હતું.