રાજ્યમાં ચોમાસાની સિઝન વચ્ચે હવે વરસાદની સાથે ઉકળાટનો પણ અનુભવ થવાની શક્યતા છે. હવામાન વિભાગના અનુમાન મુજબ આગામી દિવસોમાં ગુજરાતના વિવિધ વિસ્તારોમાં સામાન્ય વરસાદી ઝાપટાં પડી શકે છે. જોકે હાલ ભારે વરસાદની કોઈ ખાસ શક્યતા દેખાતી નથી, જેના કારણે વરસાદી વાતાવરણ વચ્ચે ગરમી અને ભેજનું પ્રમાણ લોકોને પરેશાન કરી શકે છે.

સૌરાષ્ટ્ર અને કચ્છના કેટલાક વિસ્તારોમાં વરસાદની આગાહી 

હવામાનની સ્થિતિ પર નજર કરીએ તો સૌરાષ્ટ્ર અને કચ્છના કેટલાક વિસ્તારોમાં વરસાદની આગાહી કરવામાં આવી છે. આ વિસ્તારોમાં હળવાથી મધ્યમ વરસાદી ઝાપટાં પડી શકે છે. જ્યારે રાજ્યના અન્ય વિસ્તારોમાં પણ વાદળછાયું વાતાવરણ અને છૂટાછવાયા વરસાદી ઝાપટાં જોવા મળી શકે છે.

ભારે વરસાદની શક્યતા હાલ નહિવત 

ભારે વરસાદની શક્યતા હાલ નહિવત હોવાના અનુમાન વચ્ચે રાજ્યમાં મહત્તમ તાપમાન 30 થી 33 ડિગ્રી સેલ્સિયસ વચ્ચે રહેવાની શક્યતા છે. તાપમાનમાં મોટો ઘટાડો નહીં થવાને કારણે ચોમાસાની વચ્ચે પણ બફારો અને ઉકળાટનો અનુભવ વધી શકે છે. ખાસ કરીને વરસાદી ઝાપટાં બાદ વાતાવરણમાં ભેજનું પ્રમાણ વધતાં લોકોને ગરમી વધુ અનુભવાઈ શકે છે.  

આ પણ વાંચો  :  Monsoon 2026 : અલ નીનોનો પ્રભાવ વધ્યો, ગુજરાતમાં ચોમાસું નબળું પડવાની આશંકા