જામજોધપુર પોલીસે વર્લી મટકાના જુગાર સામે કડક કાર્યવાહી કરી છે. પોલીસે બે અલગ-અલગ સ્થળેથી બે શખ્સોને ઝડપી પાડ્યા હતા. પ્રથમ બનાવ ધ્રાફા ફાટક નજીક બન્યો હતો. અહીંથી નિતેષ ઉર્ફે કારો રણમલભાઈ ડાંગર વર્લી મટકાના આંકડા લખી પૈસાની હાર-જીતનો જુગાર રમતા ઝડપાયા હતા. પોલીસે તેમની પાસેથી રોકડા રૂ.150, મટકાની કાપલી અને બોલપેન કબજે કર્યા હતા. બીજી કાર્યવાહી બહુચરાજી મંદિર નજીક કરવામાં આવી હતી. પોલીસે ભાવેશગીરી પ્રતાપગીરી ગૌસ્વામીને વર્લી મટકાનો જુગાર રમતા પકડ્યા હતા. તેમની પાસેથી રોકડા રૂ.130, મટકાની કાપલી અને બોલપેન મળી આવ્યા હતા. બંને શખ્સો વિરુદ્ધ જુગારધારા કલમ 12(અ) હેઠળ ગુનો નોંધી જામજોધપુર પોલીસે વધુ તપાસ હાથ ધરી છે.