સુરત ઇન્ટરનેશનલ એરપોર્ટ પર ડોમેસ્ટિક મુસાફરોની સંખ્યામાં નોંધપાત્ર ઘટાડો સામે આવ્યો છે. જૂનની સરખામણીએ જુલાઈમાં ડોમેસ્ટિક મુસાફરોની સંખ્યામાં ઘટાડો નોંધાયો છે. બીજી તરફ, એક સમયે એરપોર્ટ પરથી 26 ડોમેસ્ટિક ફ્લાઈટ્સનું સંચાલન થતું હતું, જે હવે ઘટીને માત્ર 11થી 13 ફ્લાઈટ્સ વચ્ચે રહ્યું છે.

જૂનથી જુલાઈમાં મુસાફરો ઘટ્યા

જૂન મહિનામાં સુરત એરપોર્ટ પર કુલ 1,31,416 ડોમેસ્ટિક મુસાફરો નોંધાયા હતા. જુલાઈમાં આ સંખ્યા ઘટીને 1,10,952 થઈ ગઈ હતી. એટલે કે એક જ મહિનામાં 20,464 મુસાફરોનો ઘટાડો નોંધાયો છે. મુસાફરોની સંખ્યામાં આવેલા આ ઘટાડાને કારણે સુરતની એર કનેક્ટિવિટી અંગે ફરી ચર્ચા શરૂ થઈ છે.

26 ફ્લાઈટ્સમાંથી હવે માત્ર 11થી 13 ફ્લાઇટ્સ 

સુરત એરપોર્ટ પર એક સમયે 26 ડોમેસ્ટિક ફ્લાઈટ્સનું સંચાલન થતું હતું. જોકે હવે આ સંખ્યા ઘટીને માત્ર 11થી 13 ફ્લાઈટ્સ સુધી પહોંચી ગઈ છે. ફ્લાઈટ્સના વિકલ્પો ઘટતા મુસાફરોને અન્ય એરપોર્ટ અથવા કનેક્ટિંગ ફ્લાઈટ્સનો વિકલ્પ પસંદ કરવો પડી શકે છે.

લોકસભામાં રજૂઆત છતાં ગતિ ધીમી

સુરતની એર કનેક્ટિવિટી વધારવા માટે લોકસભામાં પણ રજૂઆતો થઈ ચૂકી છે. સુરત જેવા મહત્વના શહેરને વધુ શહેરો સાથે સીધી હવાઈ સેવા દ્વારા જોડવાની માંગ લાંબા સમયથી કરવામાં આવી રહી છે. તેમ છતાં નવી ફ્લાઈટ્સ શરૂ થવાની ગતિ અત્યંત ધીમી રહેતા એર કનેક્ટિવિટીનો મુદ્દો ફરી ચર્ચામાં આવ્યો છે.

નવી ફ્લાઈટ્સ ક્યારે શરૂ થશે?

મુસાફરોની સંખ્યામાં ઘટાડો અને ફ્લાઈટ્સની ઘટતી સંખ્યા વચ્ચે સુરત એરપોર્ટની કનેક્ટિવિટી વધારવા માટે હવે વધુ અસરકારક પ્રયાસોની જરૂરિયાત સામે આવી છે. નવી ડોમેસ્ટિક ફ્લાઈટ્સ ક્યારે શરૂ થશે અને મુસાફરોને વધુ સીધી હવાઈ સેવા ક્યારે મળશે તે જોવું મહત્વનું રહેશે.

આ પણ વાંચો  :   Nepal Flood : ભયાનક પૂર વચ્ચે એકલું ઘર અડીખમ, પાણીમાં આખું ગામ તણાયું છતાં મકાન બચી ગયું જુઓ ભયાનક Video