અમેરિકાના ફ્લોરિડા રાજ્યના પામ બીચમાં રવિવારે એક વિમાન ક્રેશ થયું. આ લિયરજેટ 60 (N722BD) વિમાન હતું. CNN અનુસાર, તેમાં 9 લોકો સવાર હતા. આ એક બિઝનેસ જેટ હતું. ઘટનાના વીડિયોમાં ઘટના સ્થળે સળગતો કાટમાળ અને આગ દેખાઈ રહી છે. હજુ સુધી એ માહિતી સામે આવી નથી કે વિમાન ક્યાંથી ઉડ્યું હતું અને ક્યાં જઈ રહ્યું હતું. ઘટનાની તસવીરો… દાવો- વિમાન ક્રેશ થતાં પહેલાં વીજળીની લાઇન સાથે અથડાયું કેટલાક પ્રત્યક્ષદર્શીઓએ સોશિયલ મીડિયા પર દાવો કર્યો કે વિમાન ક્રેશ થતાં પહેલાં વીજળીની લાઇન સાથે અથડાયું હતું. જોકે, અધિકારીઓએ આ દાવાની પુષ્ટિ કરી નથી. અધિકારીઓ હવે મામલાની તપાસ કરી રહ્યા છે. એજન્સીએ જણાવ્યું છે કે નેશનલ ટ્રાન્સપોર્ટેશન સેફ્ટી બોર્ડ આ ક્રેશની તપાસ કરશે. અમેરિકામાં વિમાન ક્રેશની અગાઉની ઘટનાઓ… 30 ઑક્ટોબર 2026: હવાઈના વાઇમિયામાં 5 લોકોને લઈ જતું એક નાનું વિમાન ખેતરમાં ક્રેશ થયું. 13 ઑક્ટોબર 2026: વિસ્કોન્સિનના ડેલોનાના ગાઢ જંગલોમાં એક નાનું વિમાન દુર્ઘટનાગ્રસ્ત થયું, જેમાં 6 લોકોનાં મોત થયા. 15 જૂન 2026: કેલિફોર્નિયાના એડવર્ડ્સ એર ફોર્સ બેઝ પાસે અમેરિકી વાયુસેનાનું બી-52 બોમ્બર વિમાન ઉડાન ભર્યા બાદ તરત જ ક્રેશ થયું, જેમાં 8 લોકોનાં મોત થયા. 30 એપ્રિલ 2026: ટેક્સાસના વિમ્બરલી પાસે સેસ્ના 421C વિમાન ઝડપી ગતિએ જમીન સાથે અથડાઈને ક્રેશ થયું, જેમાં સવાર તમામ 5 લોકોનાં મોત થયા.