અમેરિકાના સાન એન્ટોનિયોમાં એક સૈનિકનું 170 ફૂટની ઊંચાઈ પરથી પડી જવાથી મોત થયું. સૈનિક શનિવારે અલામોડોમ સ્ટેડિયમમાં ફૂટબોલ મેચ પહેલાં મોટી સંખ્યામાં હાજર દર્શકોને દોરડા વડે નીચે ઉતરવાનો લાઇવ ડેમો આપી રહ્યો હતો. આ દરમિયાન તેનું સંતુલન બગડ્યું અને તે ઝડપથી જમીન પર પટકાયો. તેને તાત્કાલિક હોસ્પિટલ લઈ જવામાં આવ્યો, પરંતુ સારવાર દરમિયાન તેનું મોત થયું. સૈનિક અમેરિકન વાયુસેનાના ટ્રેનિંગ યુનિટમાં તૈનાત હતો ઘટના સમયે દર્શકો સ્ટેન્ડમાં બેઠા હતા અને મેદાન પાસે એક બેન્ડ પણ હાજર હતું. સૈનિક પડી ગયા બાદ ઘટનાસ્થળે જ કેટલાક મિનિટ સુધી તેની સારવાર કરવામાં આવી. ત્યારબાદ તેને સ્ટ્રેચર પર હોસ્પિટલ લઈ જવામાં આવ્યો. નેલિસ એર ફોર્સ બેઝ મુજબ, સૈનિક અમેરિકન સેનામાં કાર્યરત હતો અને છઠ્ઠી કોમ્બેટ ટ્રેનિંગ સ્ક્વોડ્રનની ડિટેચમેન્ટ-2 યુનિટમાં તૈનાત હતો. ઘટનાનું કારણ જાણવા માટે તપાસ શરૂ કરી દેવામાં આવી છે. અધિકારીઓ એ જાણવાનો પ્રયાસ કરી રહ્યા છે કે પ્રદર્શન દરમિયાન આખરે શું થયું હતું. 10 મિનિટના વિલંબ બાદ ફૂટબોલ મેચ શરૂ થઈ દુર્ઘટના બાદ પણ ફૂટબોલ મેચ રદ કરવામાં આવી નહોતી. AP અનુસાર, લગભગ 10 મિનિટના વિલંબ બાદ મેચ શરૂ થઈ ગઈ. આ મેચ સેનામાં સેવા આપી ચૂકેલા અને હાલમાં સેવા આપી રહેલા સૈનિકોના સન્માનમાં યોજાઈ હતી. આ મેચ યુનિવર્સિટી ઑફ ટેક્સાસ એટ સાન એન્ટોનિયો (UTSA) અને નેવી વચ્ચે યોજાઈ હતી. UTSAએ ઘટન પર દુઃખ વ્યક્ત કરતાં કહ્યું, “અમારી સંવેદનાઓ અને પ્રાર્થનાઓ અસરગ્રસ્ત સૈનિક, તેમના પરિવાર અને સેનામાં તેમના સાથીદારો સાથે છે.” આ કાર્યક્રમમાં તે સૈનિક ઉપરાંત અન્ય ત્રણ સૈન્યકર્મીઓએ પણ દોરડાની મદદથી નીચે ઉતરવાના પ્રદર્શનામાં ભાગ લેવાનો હતો. સૈનિકો હેલિકોપ્ટરથી દોરડાની મદદથી નીચે ઉતરવાની તાલીમ લે છે