અસલાલીમાં દારૂના કટિંગ પર પોલીસે દરોડો પાડ્યો. ચાર આરોપીઓ ઝડપાયા, ₹18.29 લાખનો મુદ્દામાલ જપ્ત થયો. તેમાં 1,552 બોટલ દારૂ-બીયર અને બે કારનો સમાવેશ થાય છે. નવરાત્રિને કારણે દારૂની હેરાફેરી સામે કાર્યવાહીની સૂચના હતી. અસલાલી પોલીસને ટી.પી. રોડ પર ક્રેટા અને સ્વિફ્ટ ડિઝાયર કારમાં દારૂ કટિંગની બાતમી મળી. દરોડામાં ₹2,60,512ની 1,552 બોટલ દારૂ-બીયર જપ્ત થઈ. ₹10 લાખની ક્રેટા, ₹5 લાખની સ્વિફ્ટ ડિઝાયર કાર અને ₹69 હજારના ચાર મોબાઈલ ફોન પણ કબજે કરાયા. ઝડપાયેલા આરોપીઓમાં રાજસ્થાનના અશોકકુમાર કિષ્નારામ બિશ્નોઈ (25), રામોલના નરેન્દ્રસિંગ ઉર્ફે રાજ કરનસિંગ રાજપૂત (26), અનુજ દિલીપભાઈ શર્મા (20) અને ઈસનપુરના જીજ્ઞેશ ઉર્ફે જીગો હરિશભાઈ વાઘેલા (30) છે.