અમેરિકા આજે ઈરાન પર હુમલો કરી શકે છે. રાષ્ટ્રપતિ ડોનાલ્ડ ટ્રમ્પે શનિવારે કહ્યું હતું કે અમેરિકા રવિવારે હુમલો કરી શકે છે. તેમણે કહ્યું કે અમેરિકા એ સુનિશ્ચિત કરવા માગે છે કે ઈરાન ક્યારેય પરમાણુ હથિયાર બનાવી ન શકે. ટ્રમ્પે ફ્લોરિડામાં મધ્યાવધિ ચૂંટણી માટે મતદાન કર્યા બાદ પત્રકારો સાથેની વાતચીતમાં આ વાત કહી. તેમણે કહ્યું કે ઈરાન સમજૂતી કરવા માગે છે, પરંતુ તે શરતોનું પાલન કરશે કે નહીં તેનો વિશ્વાસ નથી. તેમને પૂછવામાં આવ્યું હતું કે શું અમેરિકા ઈરાન પર હુમલો કરશે. તેના જવાબમાં તેમણે કહ્યું, શું તમને ખરેખર લાગે છે કે હું તમને આ કહીશ? કદાચ આવતીકાલે… હુમલો કરવાની સંભાવના છે. એવું પણ બની શકે છે કે અમારી વચ્ચે એક સારો, મોટો અને શાનદાર કરાર થઈ જાય. ટ્રમ્પે કહ્યું- અમારી સેનાએ ઈરાનને ભારે નુકસાન પહોંચાડ્યું ટ્રમ્પે અમેરિકન સેનાની પ્રશંસા કરતાં દાવો કર્યો કે તેણે ઈરાનના તમામ લડાકુ વિમાનો તોડી પાડ્યા છે અને 259 જહાજોને સમુદ્રમાં ડૂબાડી દીધાં છે. ટ્રમ્પે કહ્યું, “અમારી સેના અને નૌકાદળે શાનદાર કામ કર્યું છે. તેમણે ઈરાનના તમામ લડાકુ વિમાનોનો નાશ કરી દીધો છે. હવે ઈરાનમાં માત્ર રેકોર્ડ મોંઘવારી જ બચી છે.” ઈરાન અમેરિકન અધિકારીઓને નિશાન બનાવી શકે છે ઈરાન અમેરિકન અધિકારીઓની હત્યાનું કાવતરું ઘડી રહ્યું છે. અમેરિકન ગુપ્તચર અધિકારીઓને શંકા છે કે મિડલ ઈસ્ટ અને અમેરિકામાં હાજર અધિકારીઓને નિશાન બનાવવાની તૈયારી ચાલી રહી છે. અમેરિકન ગુપ્તચર વિભાગનાં ડિરેક્ટર જે ક્લેટને 23 ઑક્ટોબરે વિદેશમંત્રી માર્કો રુબિયોને મોકલેલા મેમોમાં જણાવ્યું કે ઈરાને અમેરિકન અધિકારીઓને નિશાન બનાવવાના પ્રયાસો તેજ કરી દીધા છે. ધ ન્યૂયોર્ક ટાઈમ્સના અહેવાલ મુજબ, બંને દેશો વચ્ચે વધતા તણાવને કારણે નાની-સરખી ઘટના પણ મોટા યુદ્ધનું કારણ બની શકે છે. બીજી તરફ, ઈરાનને પણ ભય છે કે અમેરિકા અને ઇઝરાયલ તેના પર ફરી મોટો હુમલો કરી શકે છે. હત્યાનાં કાવતરાં એડવાન્સ સ્ટેજે પહોંચ્યાં ડિરેક્ટર જે ક્લેટને મેમોમાં જણાવ્યું કે ઈરાન તરફથી અમેરિકન નાગરિકોની હત્યાનાં કાવતરાં હવે એડવાન્સ સ્ટેજે પહોંચી ગયાં છે. અમેરિકન અધિકારીઓને આશંકા છે કે ઈરાન મિડલ ઈસ્ટમાં અમેરિકન રાજદૂતો અને અમેરિકામાં હાજર અધિકારીઓને નિશાન બનાવી શકે છે. રિપોર્ટમાં ઈરાનની યુનિટ 840નો પણ ઉલ્લેખ છે. આ યુનિટ પર વિશ્વના અલગ-અલગ ભાગોમાં અપહરણ અને હત્યાના પ્રયાસો કરવાના આરોપો લાગતા રહ્યા છે. જોકે, ઈરાનના આવા કેટલાક પ્રયાસો નિષ્ફળ પણ રહ્યા છે. અગાઉ હત્યા કરવા માટે મોકલવામાં આવેલા કેટલાક લોકો પોતાના નિશાન સુધી પહોંચે તે પહેલાં જ ધરપકડાઈ ગયા હતા. ————————- આ સમાચાર પણ વાંચો… અમેરિકામાં મંદિરોની સુરક્ષા પર ₹100 કરોડ ખર્ચાશે:500 મંદિરોમાં દેખરેખ વધારાશે; ઇલિનોઇસમાં મંદિર પર હુમલાના કાવતરાં બાદ નિર્ણય અમેરિકામાં દિવાળી પહેલાં હિન્દુ મંદિરોની સુરક્ષા વધારવાની તૈયારી કરવામાં આવી છે. આ માટે આશરે 100 કરોડ રૂપિયાનું ફંડ બનાવવામાં આવ્યું છે. સંપૂર્ણ સમાચાર વાંચો