ઇઝરાયલમાં મંગળવારે સંસદીય ચૂંટણી માટે મતદાન થયું. આ દરમિયાન રાત્રે 10 વાગ્યા સુધીમાં લગભગ 77.7% મતદાન થયું. હાલમાં મતગણતરી ચાલી રહી છે. ચૂંટણી બાદ આવેલા ત્રણ એક્ઝિટ પોલમાં કોઈપણ ગઠબંધનને બહુમતી મળી નથી. વડાપ્રધાન બેન્જામિન નેતન્યાહૂની લિકુડ પાર્ટી સૌથી મોટી પાર્ટી બનીને ઉભરી છે, પરંતુ ગાદી આઇઝેનકોટના ગઠબંધનને વધુ બેઠકો મળવાનો અંદાજ છે. એક્ઝિટ પોલમાં નેતન્યાહૂની લિકુડને 24-25 બેઠકો અને આઇઝેનકોટની યાશર પાર્ટીને 21-23 બેઠકો મળવાનો અંદાજ છે. નફ્તાલી બેનેટની બિયાચાદ પાર્ટીને 12-14 બેઠકો મળી શકે છે. ઇઝરાયલની સંસદમાં 120 બેઠકો છે. બહુમતી માટે 61 બેઠકો જરૂરી છે. અરબ પાર્ટીઓ બંને ગઠબંધનોથી અલગ છે. સરકાર બનાવવા માટે બંને પક્ષોએ અન્ય પાર્ટીઓનું સમર્થન મેળવવું પડશે. ઇઝરાયલ ચૂંટણીથી જોડાયેલા અપડેટ્સ માટે નીચે બ્લોગ જુઓ…