એકતાનગર ખાતે એકતા પ્રકાશ પર્વ-૨૦૨૬ના ઉદ્ઘાટન પછી મુખ્યમંત્રી ભૂપેન્દ્ર પટેલે પ્રવાસીઓ સાથે હળવો સંવાદ કર્યો હતો. તેમના આ સહજ સંવાદથી પ્રવાસીઓમાં આનંદ અને ઉત્સાહ છવાઈ ગયો હતો. સ્ટેચ્યુ ઓફ યુનિટી જોવા આવેલા દેશના અલગ-અલગ રાજ્યોના પ્રવાસીઓએ મુખ્યમંત્રી સાથે સેલ્ફી લેવાની ઈચ્છા બતાવી. મુખ્યમંત્રીએ તેમનો આગ્રહ માન્ય રાખીને તેમની સાથે મુલાકાત કરી અને સેલ્ફી પણ લીધી. આ પ્રસંગે ઉત્તર પ્રદેશના વારાણસીથી આવેલા સ્વાતી શ્રીવાસ્તવ માટે આ દિવસ ખાસ બની ગયો. તેમનો જન્મદિવસ હોવાથી મુખ્યમંત્રી સાથે સેલ્ફી લેવાની તક તેમના માટે યાદગાર ભેટ બની. સ્વાતીએ ખુશી વ્યક્ત કરી આભાર માન્યો હતો. આ સંવાદમાં ગુજરાત, મહારાષ્ટ્ર અને રાજસ્થાન સહિત ઘણા રાજ્યોના પ્રવાસીઓ જોડાયા હતા. એકતા પ્રકાશ પર્વના ઉદ્ઘાટન પ્રસંગે આ મુલાકાતથી ઉત્સવની ખુશી વધી અને પ્રવાસીઓ માટે એકતાનગરની મુલાકાત યાદગાર બની રહી.
એકતાનગરમાં મુખ્યમંત્રીએ પ્રવાસીઓ સાથે સેલ્ફી લીધી:એકતા પ્રકાશ પર્વના ઉદ્ઘાટન બાદ આત્મીય મુલાકાત; વારાણસીની સ્વાતીનો જન્મદિવસ બન્યો યાદગાર
📅 Published: October 17, 2026 |
📂 Category: gujarati-news
