કેનેડામાં પંજાબી યુવક અને તેની ગર્લફ્રેન્ડની ગોળી મારીને હત્યા:વોલમાર્ટની સામે કાર પર ધડાધડ ગોળીઓ વરસાવી; હુમલાખોરોએ પોતાની કાર પણ સળગાવી

📅 Published: November 17, 2026 | 📂 Category: International

કેનેડાના સરીમાં હુમલાખોરોએ પંજાબી યુવક અને તેની ગર્લફ્રેન્ડની ગોળી મારીને હત્યા કરી દીધી. હુમલાખોરોએ તેમની લાલ રંગની ફોર્ડ મસ્ટેંગ કાર પર ધડાધડ ગોળીઓ વરસાવી હતી. કપલની હત્યા બાદ હુમલાખોરોએ પોતાની સફેદ રંગની સેડાન કારને આગ ચાંપી દીધી અને ફરાર થઈ ગયા. કેનેડા પોલીસે તેને ટાર્ગેટેડ કિલિંગ ગણાવ્યું છે, જેના કારણે તેને ગેંગવોર માનવામાં આવી રહી છે. આ દરમિયાન મૃતક યુવકના પિતાએ કહ્યું કે તેમને અધવચ્ચે રસ્તામાં પુત્રની હત્યાની જાણ થઈ. તેમને ખબર નથી કે પુત્રની ડેડબોડીને ક્યાં લઈ જવામાં આવી છે. વોલમાર્ટની સામે કારમાં બેઠાં હતાં બંને કેનેડાના સરી શહેરમાં રવિવારે (15 નવેમ્બર) રાત્રે લગભગ 10:38 વાગ્યે ગોળીબારની ઘટના બની હતી. 124 સ્ટ્રીટ અને 88 એવન્યુ પર આવેલા વોલમાર્ટની સામે પાર્કિંગમાં લાલ રંગની એક સ્પોર્ટ્સ કાર ઊભી હતી. કારમાં 23 વર્ષીય યુવક અને 24 વર્ષીય યુવતી બેઠા હતાં. આ દરમિયાન હુમલાખોરોએ કાર પર ધડાધડ ગોળીઓ ચલાવી દીધી. ઇમરજન્સી સર્વિસની ટીમો ઘટનાસ્થળે પહોંચી અને બંનેને હોસ્પિટલ લઈ જવામાં આવ્યા, જ્યાં તેમને મૃત જાહેર કરવામાં આવ્યા. ગોળીબારના 13 મિનિટ બાદ સફેદ કાર સળગેલી મળી IHIT મુજબ, ગોળીબારના લગભગ 13 મિનિટ બાદ રાત્રે 10:51 વાગ્યે પ્રિન્સેસ ડ્રાઇવના 9700 બ્લોકમાં સફેદ રંગની સેડાન કારમાં આગ લાગ્યાની જાણ થઈ હતી. પોલીસને શંકા છે કે હુમલાખોરોએ આ કારનો ઉપયોગ કર્યો હોઈ શકે છે. આશંકા છે કે ઘટનાકાંડ બાદ પુરાવા નષ્ટ કરવા માટે કારને આગ લગાવવામાં આવી હતી. જોકે, પોલીસ તેની ભૂમિકાની તપાસ કરી રહી છે. ઘટનાસ્થળેથી મળેલી લાલ ફોર્ડ મસ્ટેંગ કાર મૃતકોમાંથી કોઈ એકની હોવાનું જણાવાયું છે. પોલીસે જણાવ્યું કે આ ટારગેટેડ હુમલો હતો ઘટના બાદ કેનેડા પોલીસ ત્યાં પહોંચી હતી. આ કેસની તપાસ ઇન્ટિગ્રેટેડ હોમિસાઇડ ઇન્વેસ્ટિગેશન ટીમ (IHIT) કરી રહી છે. IHITના જણાવ્યા અનુસાર, આ ટારગેટેડ હુમલો હતો. તપાસ અધિકારીઓને ઘટનાના તાર સંગઠિત અપરાધ સાથે જોડાયેલા હોવાના સંકેતો મળ્યા છે. જોકે, પોલીસે તેને ગેંગવૉર જાહેર કર્યું નથી. તપાસમાં સામે આવ્યું છે કે મૃતક યુવક અગાઉ પણ હથિયારો અને ફાયરઆર્મ્સ સાથે જોડાયેલા કેસમાં પોલીસના રડારમાં હતો. બંને ડેલ્ટા વિસ્તારના રહેવાસી હતા પોલીસના જણાવ્યા મુજબ, બંને મૃતકો પંજાબી મૂળના હતા અને ડેલ્ટા વિસ્તારના રહેવાસી હતા. પોલીસે યુવકની ઓળખ કરી તેના પરિવારને જાણ કરી દીધી છે. યુવતીની ઓળખ કરવાની પ્રક્રિયા ચાલુ છે. સ્થાનિક મીડિયા અહેવાલ મુજબ, યુવકના પિતાએ યુવતીને પોતાના પુત્રની ગર્લફ્રેન્ડ ગણાવી છે. કેલગરીથી પરત ફરતી વખતે પિતાને પુત્રની હત્યાના સમાચાર મળ્યા એક મીડિયા ચેનલ સાથેની વાતચીતમાં મૃતકના પિતાએ જણાવ્યું કે તેઓ ટ્રક ડ્રાઇવર છે. ઘટના સમયે તેઓ કેલગરીથી પરત ફરી રહ્યા હતા. તે દરમિયાન તેમને પુત્રની હત્યાની જાણ થઈ. પિતાએ જણાવ્યું કે તે સમયે તેમને એ પણ સ્પષ્ટ નહોતું કે પુત્રનો મૃતદેહ ક્યાં લઈ જવામાં આવ્યો હતો. તેમણે પુત્રને છેલ્લી વાર જોવાની ઇચ્છા વ્યક્ત કરી હતી. યુવક ત્રણ ભાઈ-બહેનોમાં સૌથી મોટો હતો પરિવાર પાસેથી મળેલી માહિતી મુજબ, યુવક તેના ઘરમાં ત્રણ સંતાનોમાં સૌથી મોટો હતો. તેના પરિવારમાં એક નાનો ભાઈ અને બહેન છે. પરિવારજનોએ જણાવ્યું કે કારમાં હાજર યુવતી તેની ગર્લફ્રેન્ડ હતી. પરિવારે આ મામલે વધુ કોઈ માહિતી જણાવવાનો ઇનકાર કર્યો છે. પોલીસે CCTV અને ડૅશકૅમ ફૂટેજ માગ્યાં પોલીસે સામાન્ય જનતાને ઘટનાથી સંબંધિત માહિતી શેર કરવાની અપીલ કરી છે. ખાસ કરીને ઘટનાના સમયે આસપાસ હાજર લોકો પાસેથી CCTV અને ડૅશકૅમ ફૂટેજ માગવામાં આવ્યાં છે. પોલીસનો સંપર્ક કરવા માટે હેલ્પલાઇન નંબર 1-877-551-4448 અને ઈમેલ આઈડી ihitinfo@rcmp-grc.gc.ca જાહેર કરવામાં આવી છે.


📱 Share on WhatsApp 🌐 View Original Article

Leave a Reply

Your email address will not be published. Required fields are marked *