પ્રભાસ-પાટણ અને વેરાવળ સહિત સમગ્ર ગીર સોમનાથ જિલ્લામાં આ વર્ષે ઓછો વરસાદ નોંધાતા ગંભીર જળસંકટ ઊભું થયું છે. ભાદરવા મહિનામાં પણ ઉનાળા જેવો આકરો તાપ પડી રહ્યો છે અને વાદળો છવાય છે પણ વરસાદ વરસતો નથી, જેને કારણે ખેડૂતો અને સામાન્ય જનતા મુશ્કેલીમાં મુકાઈ છે.વેરાવળ-પાટણની જીવાદોરી સમાન હિરણ-2 ડેમમાં પાણી ઓછું હોવાથી તંત્ર દ્વારા ઉદ્યોગોને અપાતા પાણીમાં 50 ટકાનો કાપ મૂકવાની આગોતરી જાણ કરી દેવાઈ છે.રેઇનકોટ અને વરસાદી વસ્તુઓનો વેપાર કરતા ધંધાર્થીઓ સાવ નિરાશ થયા છે, અને જો પાણીની સમસ્યા વધશે તો આગામી તહેવારોના ઉત્સાહમાં પણ ઓટ આવવાની સંભાવના છે. લોકો મેઘરાજાને મનાવવા માટે ધૂન, યજ્ઞ અને શિવ જળાભિષેક કરી રહ્યા છે.

ગુજરાતના વધુ સમાચાર વાંચવા માટે ક્લિક કરો