ગીર સોમનાથ જિલ્લા ભાજપ દ્વારા ‘વેલકમ નવરાત્રી-2026’ અંતર્ગત ભવ્ય ‘નમો રાસોત્સવ’ની તૈયારીઓને આખરી ઓપ આપવામાં આવી રહ્યો છે. વેરાવળના રાજેન્દ્રભુવન રોડ સ્થિત કે.સી.સી. ગ્રાઉન્ડ ખાતે આવતીકાલે શનિવાર, 10 ઓક્ટોબરના રોજ રાત્રે 9 વાગ્યે આ કાર્યક્રમ યોજાશે. માતાજીની આરાધના, ગરબા અને રાસના માધ્યમથી નવરાત્રી પર્વને આવકારવા માટે આયોજકો દ્વારા જિલ્લાના નાગરિકોને ભાવભર્યું અપીલ સાથે આમંત્રણ પાઠવવામાં આવ્યું છે. પાંચ વર્ષથી સંસ્કૃતિ જતનનો આશય
વેરાવળ શહેર ભાજપ પ્રમુખ શૈલેષ ભીંસવાણિયાએ માહિતી આપતાં જણાવ્યું હતું કે, ભારતીય જનતા પાર્ટી દ્વારા છેલ્લાં પાંચ વર્ષથી નવરાત્રી પર્વ પૂર્વે આ ઉત્સવ યોજવામાં આવે છે. આ આયોજનનો મુખ્ય હેતુ ભારતીય સંસ્કૃતિ અને પરંપરાનું જતન કરવાની સાથે વધુમાં વધુ લોકો માતા દુર્ગાની ઉપાસનામાં જોડાય તેવો છે. નવી પેઢી આપણી પરંપરાથી જોડાય તે આશયથી ગરબા અને રાસનું આયોજન કરાય છે. તડામાર તૈયારીઓ સાથે ભવ્ય આયોજન
વેરાવળના કે.સી.સી. ગ્રાઉન્ડ ખાતે કાર્યક્રમને સફળ બનાવવા માટે ભાજપના કાર્યકરો દ્વારા ઉત્સાહપૂર્વક તૈયારીઓ કરવામાં આવી રહી છે. ધાર્મિક આસ્થા અને ભક્તિભાવને ઉજાગર કરતા આ ‘નમો રાસોત્સવ’માં ગીર સોમનાથ જિલ્લાના નાગરિકોને મોટી સંખ્યામાં ઉપસ્થિત રહી ગરબાની રમઝટમાં સહભાગી બનવા આયોજકોએ નમ્ર અપીલ કરી છે.