ગુજરાત યુનિવર્સિટીએ વિદ્યાર્થીઓ માટે બે મહત્વાકાંક્ષી પહેલ શરૂ છે. જેમાં હવે યુનિવર્સિટીના સમગ્ર કેમ્પસમાં વિદ્યાર્થીઓને નિશુલ્ક વાઇફાઇની સુવિધા ઉપલબ્ધ કરાવવામાં આવશે. ખાસ પોર્ટલ મારફતે વિદ્યાર્થીઓ પોતાના લોગિન આઈડી અને મોબાઈલ નંબરના આધારે રજીસ્ટ્રેશન કરી આ સુવિધાનો લાભ લઈ શકશે. સેનેટ હોલ સહિત સમગ્ર યુનિવર્સિટી પરિસરમાં એક જ નેટવર્ક દ્વારા હાઈ-સ્પીડ ઈન્ટરનેટ સુવિધા ઉપલબ્ધ કરાવાશે. જેનાથી લાઈબ્રેરી, ટીચિંગ રિસોર્સિસ અને યુનિવર્સિટીના ઓનલાઈન કોર્સિસનો પણ વિદ્યાર્થીઓને સરળતાથી લાભ મળી શકે. Earn While You Learnના સૂત્ર સાથે ઈન્ટર્નશીપ યોજના
બીજી પહેલમાં ગુજરાત યુનિવર્સિટી દ્વારા Earn While You Learnના સૂત્ર સાથે નવી ઈન્ટર્નશિપ યોજના શરૂ કરવાની પણ તૈયારી કરવામાં આવી છે. આ યોજના હેઠળ વિદ્યાર્થીઓ અભ્યાસ સાથે યુનિવર્સિટીના વિવિધ વિભાગોમાં એડમિનિસ્ટ્રેટિવ, ટીચિંગ આસિસ્ટન્ટ, ક્લેરિકલ તેમજ કોમ્પ્યુટર પ્રોગ્રામર તરીકે કામ કરી શકશે. વિકસિત દેશની યુનિ.ની જેમ વિદ્યાર્થીઓને અનુભવ મળશે
વિદ્યાર્થીઓને પ્રેક્ટિકલ અનુભવ, સ્કિલ ડેવલપમેન્ટ, ક્રેડિટ માર્ક્સ તેમજ મહેનતાણું પણ આપવામાં આવશે. કેનેડા અને અમેરિકા જેવી વિકસિત દેશોની યુનિવર્સિટીઓના મોડલને ધ્યાનમાં રાખી ગુજરાત યુનિવર્સિટી વિદ્યાર્થીઓને માત્ર પુસ્તકનું જ્ઞાન પૂરતું નહીં પરંતુ વ્યવહારિક અનુભવ પણ મળે તે દિશામાં યુનિવર્સિટી મહત્વનું પગલું લઈ રહી છે.