વિંઝોલ-ગોધરા સ્થિત શ્રી ગોવિંદ ગુરુ યુનિવર્સિટીમાં આંતર યુનિવર્સિટી પશ્ચિમ ઝોન મહિલા ટેબલ ટેનિસ ટુર્નામેન્ટ 2026-27નું 3 નવેમ્બરે સમાપન થયું. સમારોહમાં વિજેતા ટીમનું સન્માન કરાયું. ટુર્નામેન્ટમાં પશ્ચિમ ઝોનની વિવિધ યુનિવર્સિટીઓની મહિલા ખેલાડીઓએ ભાગ લીધો હતો. સમાપન પ્રસંગે મહાનુભાવોના હસ્તે વિજેતા ટીમને ઇનામ આપવામાં આવ્યાં હતાં. આ પ્રસંગે યુનિવર્સિટીના કુલપતિ પ્રો. હરિભાઈ કાતરિયા, પંચમહાલના SP ડૉ. હરેશભાઈ દુધાત, કલેક્ટર અજય દહિયા અને ચંદીગઢની દેવ સમાજ કોલેજ ફોર વિમેનનાં પ્રિન્સિપાલ ડૉ. નીરુ મલિક ઉપસ્થિત રહ્યાં હતાં. ટુર્નામેન્ટનો હેતુ મહિલા ખેલાડીઓને રાષ્ટ્રીય સ્તરે આગળ વધવા પ્રોત્સાહિત કરવાનો અને યુવાનોમાં રમતગમત, શિસ્ત તથા ખેલદિલીની ભાવના વિકસાવવાનો હતો.