જામનગર જિલ્લાના જામજોધપુર પંથકમાં એક સગીરા પર દુષ્કર્મ આચરી તેને ગર્ભવતી બનાવી દેવાયાની પોલીસ ફરિયાદ નોંધાઈ છે. આ મામલે સુરેન્દ્રનગરના યુવકની ધરપકડ કરવામાં આવી છે. ફરિયાદ મુજબ, આરોપીએ સગીરા સાથે પ્રેમસંબંધ કેળવી લગ્નની લાલચ આપી હતી. આ લાલચ આપીને તેણે સગીરાનું શારીરિક શોષણ કર્યું હતું. આ દરમિયાન સગીરાને નવ માસનો ગર્ભ રહી ગયો હતો. આરોપીએ સગપણ કર્યા બાદ લગ્ન કરવાની ના પાડી દેતા મામલો પોલીસ સુધી પહોંચ્યો. જામજોધપુર પોલીસે પોક્સો સહિતની કલમો હેઠળ ગુનો નોંધી આરોપીને સુરેન્દ્રનગરથી ઝડપી લીધો હતો. પોલીસે આરોપીને જામજોધપુર લાવી વધુ તપાસ હાથ ધરી છે. આરોપીના રિમાન્ડ મેળવવા માટે કોર્ટમાં રજૂ કરવાની કાર્યવાહી ચાલી રહી છે.
જામજોધપુરમાં સગીરા પર દુષ્કર્મ:લગ્નની લાલચ આપી શારીરિક શોષણ કરી ગર્ભવતી બનાવી; સુરેન્દ્રનગરના આરોપીની ધરપકડ
📅 Published: October 22, 2026 |
📂 Category: gujarati-news
