જામજોધપુરથી દાહોદ રૂટ પર નવી GSRTC બસ સેવાનો આજે પ્રારંભ કરવામાં આવ્યો છે. આ બસ સેવાને લીલીઝંડી આપીને રવાના કરવામાં આવી હતી. આ નવી બસ સેવા શરૂ થવાથી જામજોધપુર અને આસપાસના વિસ્તારના મુસાફરોને દાહોદ તરફ અવરજવર માટે વધુ સુવિધા મળશે. ખાસ કરીને રોજિંદા મુસાફરો, વિદ્યાર્થીઓ અને અન્ય નાગરિકો માટે આવન-જાવન સરળ બનશે. આ બસ સેવા મુસાફરોને વધુ આરામદાયક, સુરક્ષિત અને સુવિધાજનક મુસાફરીનો લાભ આપશે. જામજોધપુર-દાહોદ રૂટ પર નવી બસ સેવા શરૂ કરવા બદલ ગુજરાત રાજ્ય સરકાર અને ગુજરાત રાજ્ય માર્ગ વાહન વ્યવહાર નિગમનો આભાર વ્યક્ત કરવામાં આવ્યો હતો.