ઝિમ્બાબ્વેના મરોન્ડેરા વિસ્તારમાં બુધવારે 6 લોકોને લઈ જતું હેલિકોપ્ટર ક્રેશ થયું. અકસ્માત બાદ તેમાં આગ લાગી ગઈ. હેલિકોપ્ટરમાં 4 મુસાફરો અને 2 ક્રૂ સભ્યો સવાર હતા. અકસ્માતમાં તમામ 6 લોકોનાં મોત થયા. મૃતકોમાં 43 વર્ષીય જાણીતા બિઝનેસમેન વિકનેલ ચિવાયો અને તેમની પત્ની લૂસી મુતેકેનો પણ સમાવેશ થાય છે. ચિવાયોને રાષ્ટ્રપતિ એમરસન મનનગાગ્વાના નજીકના માનવામાં આવતા હતા. પોલીસ અને રાહત ટુકડી ઘટનાસ્થળે પહોંચી ગઈ છે અને મૃતદેહોની ઓળખ કરવામાં લાગી છે. હેલિકોપ્ટર રાજધાની હરારેથી આશરે 70 કિલોમીટર પૂર્વમાં આવેલા મરોન્ડેરા વિસ્તારમાં તૂટી પડ્યું. પોલીસને અકસ્માતની માહિતી બુધવારે સાંજે લગભગ 5 વાગ્યે મળી હતી. અકસ્માત કયા કારણોસર થયો તે હજુ સ્પષ્ટ નથી. પોલીસ આ મામલે તપાસ કરશે. ચિવાયો વૈભવી જીવનશૈલી માટે જાણીતા હતા વિકનેલ ચિવાયો ઇન્ટ્રાટ્રેક ઝિમ્બાબ્વેના સ્થાપક હતા. આ કંપની એનર્જી અને ઇન્ફ્રાસ્ટ્રક્ચર સાથે જોડાયેલા પ્રોજેક્ટ્સમાં કામ કરતી હતી. ચિવાયો ગ્વાંડા સોલર પ્રોજેક્ટ જેવા સરકારી કોન્ટ્રાક્ટ્સને લઈને પણ ચર્ચામાં રહ્યા હતા. તેઓ પોતાની વૈભવી જીવનશૈલી અને સોશિયલ મીડિયા પોસ્ટ્સ માટે પણ જાણીતા હતા. ચિવાયો મોંઘી કારો અને લક્ઝરી હેલિકોપ્ટરો સાથેની પોતાની તસવીરો શેર કરતા હતા. રાષ્ટ્રપતિ સહિત ઘણા મોટા નેતાઓ સાથે ચિવાયોની નિકટતા હતી ચિવાયોના કારોબાર અને રાજકીય સંબંધોને લઈને પણ સમયાંતરે સવાલો ઉઠતા રહ્યા હતા. તેઓ સોશિયલ મીડિયા પર રાષ્ટ્રપતિ મનંગાગ્વા સાથેની પોતાની મુલાકાતોની તસવીરો અને વીડિયો શેર કરતા હતા. તેઓ દક્ષિણ આફ્રિકાના રાષ્ટ્રપતિ સિરિલ રામાફોસા, કેન્યાના રાષ્ટ્રપતિ વિલિયમ રૂટો, તાન્ઝાનિયાની રાષ્ટ્રપતિ સામિયા સુલુહુ હસન અને ઈસ્વાતિનીના કિંગ મસ્વાતી III સહિત ઘણા મોટા નેતાઓને પણ મળી ચૂક્યા હતા. કારોબારને લઈને પણ સવાલો ઉઠ્યા ચિવાયોના કારોબારને લઈને ઝિમ્બાબ્વે અને આસપાસના દેશોમાં સરકારી કોન્ટ્રાક્ટો અને ચૂંટણી ભંડોળ સાથે જોડાયેલા આરોપો લાગ્યા હતા. તેમણે આ આરોપોને નકારી કાઢ્યા હતા. તેઓ જાણીતી હસ્તીઓ, ધાર્મિક નેતાઓ, રાજકારણીઓ અને સોશિયલ મીડિયા ફોલોઅર્સને મોંઘી ગાડીઓ અને રોકડ ભેટો આપવા માટે પણ જાણીતા હતા. ચિવાયોની બે જૂની તસવીરો…