અમેરિકાના રાષ્ટ્રપતિ ડોનાલ્ડ ટ્રમ્પ બીજાઓની ટીકા કરે તો ઠીક, પરંતુ કોઈ તેમને જવાબ આપે તો તેઓ નારાજ થઈ જાય છે. યુક્રેનના રાષ્ટ્રપતિ ઝેલેન્સ્કીને ફરી એકવાર તેનો સામનો કરવો પડ્યો. નોર્વેની રાજધાની ઓસ્લોમાં મંગળવારે બંધ બારણે બેઠક યોજાઈ હતી. આ દરમિયાન ટ્રમ્પના પ્રતિનિધિઓ સ્ટીવ વિટકોફ (મિડલ ઈસ્ટમાં વિશેષ દૂત) અને જેરેડ કુશનર (ટ્રમ્પના જમાઈ)એ ઝેલેન્સ્કીને ઠપકો આપ્યો.

બંનેએ જ્યારે ઝેલેન્સ્કીને કહ્યું કે ટ્રમ્પ વિરુદ્ધ તેમના નિવેદનોથી અમેરિકી રાષ્ટ્રપતિ નારાજ થઈ ગયા છે, ત્યારે તેઓ સફાઈ આપવા લાગ્યા અને કહ્યું કે તેમણે ક્યારેય આવું કંઈ કહ્યું નથી. આ મહિને રશિયા પાસેથી ડીઝલ ખરીદવાના અમેરિકી નિર્ણય, રશિયા પરના કેટલાક પ્રતિબંધોમાં ઢીલ અને યુક્રેનને અમેરિકી મદદ મર્યાદિત કરવા જેવા મુદ્દાઓ પર ટ્રમ્પ અને ઝેલેન્સ્કી વચ્ચે ઘણી વખત નિવેદનબાજી થઈ છે. ટ્રમ્પને જવાબ આપવાથી બચે છે વિશ્વના નેતાઓ ટ્રમ્પના આક્રમક વલણને કારણે ઘણા દેશોના નેતાઓ તેમની સાથે ટકરાવાથી બચે છે. તેમને ડર રહે છે કે જવાબ આપવાથી ટ્રમ્પ નારાજ થઈ શકે છે અથવા તેમના દેશ પર નવા ટેરિફ લાદી શકે છે. ટ્રમ્પ બીજા દેશોના નેતાઓ પાસેથી સન્માન અને નરમાઈની અપેક્ષા રાખે છે, પરંતુ પોતે એવું કરતા નથી. અપવાદ એવા નેતાઓ છે, જેઓ તેમની વાત માને છે અથવા જેમની સાથે ટ્રમ્પ સારા સંબંધો બનાવવા માંગે છે. તેમાં રશિયાના રાષ્ટ્રપતિ વ્લાદિમીર પુતિન, ચીનના રાષ્ટ્રપતિ શી જિનપિંગ અને ઉત્તર કોરિયાના નેતા કિમ જોંગ ઉન જેવા નેતાઓનો સમાવેશ થાય છે. ટ્રમ્પના બીજા કાર્યકાળમાં અનેક નેતાઓએ એ નક્કી કરવું પડી રહ્યું છે કે અમેરિકાના રાષ્ટ્રપતિની ટીકા અંગે જવાબ આપવો કે ચૂપ રહેવું. કેનેડાના વડાપ્રધાન માર્ક કાર્નીએ ટ્રમ્પના દબાણ સામે ઝૂકવાને બદલે વળતો પગલું ભર્યું. તેમણે અમેરિકાના ટેરિફ જેટલા જ કેનેડિયન ટેરિફ લાદ્યા. ઝેલેન્સ્કીની સ્થિતિ અલગ છે. કેનેડાની જેમ યુક્રેન પાસે અમેરિકાથી અંતર બનાવવાની એટલી તક નથી. રશિયાના હુમલાઓનો સામનો કરવા માટે તેને અમેરિકન હથિયારો, ગુપ્તચર માહિતી અને અન્ય મદદની જરૂર છે. આ જ કારણ છે કે ઝેલેન્સ્કીને પોતાની વાત રજૂ કરવા અને અમેરિકાને નારાજ કરવા વચ્ચે સંતુલન જાળવવું પડી રહ્યું છે. નોર્વે-ફિનલેન્ડના નેતાઓ પણ બેઠકમાં હાજર હતા ઓસ્લોમાં યોજાયેલી બેઠકનો હેતુ ટ્રમ્પ અને ઝેલેન્સ્કી વચ્ચેના તાજેતરના તણાવને ઘટાડવાનો હતો. વિટકોફ રશિયા જતા પહેલાં નોર્વેની રાજધાનીમાં રોકાયા હતા. બીમાર હોવાને કારણે કુશનર તેમની સાથે આવી શક્યા નહોતા, પરંતુ વીડિયો કોલ દ્વારા વાતચીતમાં જોડાયા હતા. ટ્રમ્પના રશિયા પ્રત્યે વધતા ઝુકાવને લઈને ચર્ચા થઈ રહી છે કે ક્યાંક તેનો સંબંધ અમેરિકામાં યોજાનારી મિડ ટર્મ ચૂંટણીઓ સાથે તો નથી ને. પરંતુ વાતચીતની જાણકારી ધરાવતા વ્યક્તિ મુજબ, વિટકોફ અને કુશનરે ઝેલેન્સ્કીને લાંબા સમય સુધી આ વાત પર ભારપૂર્વક સમજાવ્યું કે રશિયા પ્રત્યેની અમેરિકાની નીતિનો ઘરેલું રાજકારણ સાથે કોઈ સંબંધ નથી. આ બેઠકમાં ઝેલેન્સ્કી સાથે તેમના બે સમર્થકો પણ હાજર હતા- નોર્વેના વડાપ્રધાન જોનાસ ગાર સ્ટોર અને ફિનલેન્ડના રાષ્ટ્રપતિ એલેક્ઝાન્ડર સ્ટબ. બંને યુક્રેનનું મજબૂતીથી સમર્થન કરે છે. યુરોપના અન્ય નેતાઓની જેમ તેઓ પણ ટ્રમ્પના રશિયા તરફના ઝુકાવ સાથે સહમત નથી. જોકે, તેઓ ટ્રમ્પને બિનજરૂરી રીતે નારાજ કરવાથી પણ બચવા માંગે છે.