સોમનાથ-વેરાવળ બાયપાસ રોડ પર એક એસટી બસ અને ટ્રક વચ્ચે અકસ્માત થયો હતો. એક ટુ-વ્હીલર ચાલકને બચાવવા જતા ટ્રકે અચાનક બ્રેક મારી હતી, જેના કારણે પાછળ આવી રહેલી એસટી બસ ટ્રકની પાછળ ઘૂસી ગઈ હતી. સદનસીબે આ ઘટનામાં કોઈ જાનહાનિ થઈ નથી. આ અકસ્માત કોટડા વેરાવળ રૂટની બસ નો થયો હતો. અચાનક થયેલા ધડાકાભેર અકસ્માતથી બસમાં સવાર 11 મુસાફરોનો જીવ તાળવે ચોંટી ગયો હતો. બેફામ રીતે રોડ ક્રોસ કરી રહેલા ટુ-વ્હીલર ચાલકને કારણે મોટો અકસ્માત થતા રહી ગયો હતો. અકસ્માતમાં બસના આગળના કાચ તૂટી ગયા હતા. બસમાં 11 મુસાફરો ઉપરાંત ડ્રાઈવર અને કંડક્ટર પણ સવાર હતા. જોકે, તમામ સુરક્ષિત છે અને કોઈને ગંભીર ઈજા થઈ નથી.