તિબેટમાં 7ની તીવ્રતાનો ભૂકંપ આવ્યો છે. ભારતીય સમય અનુસાર ગુરુવારે રાત્રે 8:03 વાગ્યે ભૂકંપના આંચકા અનુભવાયા હતા. તેમાં 16 લોકોનાં મોત થયા છે અને 54 લોકો ઘાયલ થયા છે. તેનું કેન્દ્ર તિબેટની રાજધાની લ્હાસાથી લગભગ 400 કિલોમીટર દૂર તિબેટના નાગકૂ વિસ્તારમાં જમીનથી 10 કિલોમીટરની ઊંડાઈએ હતું. ચીનના ભૂકંપ નેટવર્ક કેન્દ્ર (CENC) અનુસાર ભૂકંપના આંચકા સ્થાનિક વિસ્તારમાં સ્પષ્ટપણે અનુભવાયા હતા. આ ઉપરાંત, પાકિસ્તાનમાં 4.9 અને અફઘાનિસ્તાનમાં 4.1ની તીવ્રતાના ભૂકંપના આંચકા અનુભવાયા છે. ભૂકંપ સાથે જોડાયેલી 4 તસવીરો… અહીં ભુકંપનું કેન્દ્ર હતું તિબેટમાં અગાઉ પણ ભૂકંપે તબાહી મચાવી છે તિબેટ દુનિયાના એવા વિસ્તારોમાં સામેલ છે, જ્યાં ભૂકંપ આવવાનું જોખમ વધારે રહે છે. અહીં ભારતીય અને યુરેશિયન ટેક્ટોનિક પ્લેટો એકબીજા સાથે અથડાય છે. તેમની હલચલથી હિમાલય પર્વત બન્યો છે, પરંતુ આ જ કારણોસર આ વિસ્તારમાં ભૂકંપ પણ આવતા રહે છે. જાન્યુઆરી 2025માં તિબેટના તિંગરી કાઉન્ટીમાં 7.1ની તીવ્રતાનો ભૂકંપ આવ્યો હતો. તેમાં તિબેટમાં લગભગ 400 લોકોનાં મોત થયાં હતાં, જ્યારે પાડોશી નેપાળમાં 13 લોકોનાં જીવ ગયા હતા. તેના આંચકા ઉત્તર ભારત સહિત દક્ષિણ એશિયાના અનેક વિસ્તારોમાં અનુભવાયા હતા. આ પહેલાં 2010માં પાડોશી ચીનના પ્રાંત છિંગહાઈના યુશૂમાં 7.1ની તીવ્રતાનો ભૂકંપ આવ્યો હતો. તેમાં ઓછામાં ઓછા 2,698 લોકોનાં મોત થયાં હતાં અને લગભગ 300 લોકો ગુમ થઈ ગયા હતા. ઓગસ્ટમાં પૂરથી તબાહી મચી હતી તિબેટમાં આ વર્ષે 26 ઓગસ્ટે નેપાળ સરહદ નજીક પર્વત પરથી બરફ અને ખડકોનો મોટો ભાગ તૂટીને નદીમાં પડી ગયો હતો. આના કારણે નદીનો માર્ગ થોડા સમય માટે બંધ થઈ ગયો હતો. બાદમાં પાણીનો તેજ પ્રવાહ નેપાળ તરફ વધ્યો, જેના કારણે અનેક ગામો, રસ્તાઓ અને પુલોને નુકસાન પહોંચ્યું હતું. ચીનના સત્તાવાર આંકડા મુજબ, તિબેટના ગ્યિરૉંગ વિસ્તારમાં આ આપદામાં 43 લોકોનાં મોત થયાં હતાં, જ્યારે 519 લોકો લાપતા થયા હતા. બીજી તરફ, નેપાળમાં પૂરથી 1,455 લોકોનાં મોત થયાં હતાં અને 5,285 લોકો લાપતા હોવાનું જણાવાયું હતું. તિબેટમાં વારંવાર ભૂકંપ શા માટે આવે છે?