દમણ પોલીસે ગેરકાયદે દારૂની હેરાફેરી સામે કડક કાર્યવાહી કરી. 24 થી 26 સપ્ટેમ્બર દરમિયાન ત્રણ સ્થળોએ દરોડા પાડ્યા. 53.07 લાખ રૂપિયાથી વધુનો મુદ્દામાલ જપ્ત થયો, જેમાં 22,502 વિદેશી દારૂની બોટલ અને વાહનોનો સમાવેશ. 26 સપ્ટેમ્બરે કાચીગામના ચંદન કોમ્પ્લેક્સના ગાલામાંથી 22,488 દારૂની બોટલ મળી. કિંમત 17.28 લાખ રૂપિયા હતી. પોલીસે 13 લાખ રૂપિયાની હ્યુન્ડાઈ ક્રેટા કાર (DD-01-C-8777) જપ્ત કરી. 25 સપ્ટેમ્બરે ડાભેલના આંધીયાવાડ ચાર રસ્તા પાસે બે શંકાસ્પદ કાર મળી. ટોયોટા રૂમિયોન (MH-12-ZU-3712) અને મારુતિ અર્ટિગા (MH-03-FC-3712)માંથી 51,750 રૂપિયાનો 12 બોક્સ દારૂ મળ્યો. બંને કાર કબજે કરાઈ. 24 સપ્ટેમ્બરે પટલિયા ચેકપોસ્ટ પાસે એક શખ્સ પકડાયો. તેની પાસેથી 6,960 રૂપિયાના દારૂના 2 બોક્સ અને 20 હજાર રૂપિયાનું એક્સેસ મોપેડ (GJ-15-BS-8096) જપ્ત કરાયું. પોલીસે દારૂના નેટવર્કની તપાસ શરૂ કરી.